Kamunisty staroj zahartoŭki ŭžo nia mohuć naviedvać hety muzej biaz śloz i validołu. Pra kardynalnyja źmieny ŭ ekspazycyi piša Pavał Kaściukievič.
Źjeździcie ŭ dom Rumiancava i pahladzicie. Nie, voś vy źjeździcie i pahladzicie. Navat kali vy horaj za śmierć baiciesia «pahanaj balšavickaj atruty», navat kali vy nie pajšli na pracu ŭ dzień 20-hodździa BNF, vy prosta źjeździcie i pahladzicie. Usio roŭna jak partyja Kalakina, jakaja daŭno zrabiła drejf u bok sacyjał-demakratyčnych kaštoŭnaściaŭ i tolki moc tradycyi nie daje joj pamianiać nazvu, tak i
«Dom pieršaha źjezdu RSDRP» pazbaŭlajecca savieckaści i paviartajecca tvaram da mienskaj historyi, usio bolš prypadabniajecca da krajaznaŭčaha muzeju.
Miarkujcie sami — u muzei ciapier vystaŭlena toje, što za savietami paličyłasia b najžachlivym bluźnierstvam: amal niama kamunistyčnych symbalaŭ, proćma fotaŭ ź histaryčnaj zabudovaj horadu, što nia majuć anijakaha dačynieńnia da balšavickaj partyi. I bač ty niespadziavanka —
ceły vializny stend pryśviečany lehiendarnamu haradzkomu hałavie, mahnatu hrafu Čapskamu.
Zdymak Uljanava-Lenina naahuł visić ščylna pobač z fatahrafijaj carskaha špieha, jaki zdaŭ uvieś skład źjezdu palicyi. Za padobny «numar» u savieckija času dvojčy b nie padumali — prapuścili b praz kałymski kałajder. Da taho ž supracoŭniki muzeju raspaviaduć pra delehataŭ źjezdu z dolaj ironii i zrobiać akcent chutčej na mienskaj historyi: što dzie tut było, jak žyli ludzi na miažy XIX i XX stahodździaŭ. A pobač inšyja haradzkija, palityčna niezaanhažavanyja, cikavostki — schiema mienskaj konki i pobytavyja rečy mienčukoŭ.
Supracoŭniki muzeju kažuć, što
kamunisty staroj zahartoŭki ŭžo nia mohuć biaz śloz i validołu naviedvać muzej.Prychodziać, bačać Čapskaha, ich bje dryhotka i pa katorym časie, nia vielmi ačuniałyja, łajać užo łajać administracyju muzeju. Za zdradu ideałam.
A čaho varty firmovy žart, kali na zaŭsiodnaje pytańnie naviednikaŭ, čamu heta na fatazdymkach delehataŭ pieršaha źjezdu niama Lenina, rabotniki viesieła demanstrujuć łožak u adnym z pakojaŭ i paviedamlajuć, što «Ŭładzimir Iljič zdarožyŭsia i tamu praspaŭ na hetym łožku uvieś źjezd ad pačatku da kanca».
Navat
aficyjoznyja foty inšaziemnych delehacyjaŭ hladziacca chutčej jak imidževyja zdymki z turystyčnaha daviednika — «Vaŭ, Kastra i Cita byli Miensku!».A kali ŭziać pad uvahu, što domik Rumiancava staić nasuprać doma, dzie ŭ 60-ych hadach žyŭ Harvi Li Osvald, dyk fantazija ŭ postmadernisckim klučy pačynaje malavać sustrečy chaj sabie małavierahodnaj, ale ŭsio ž imaviernaj sustrečy kubinskaha kamandante z zabojcam amerykanskaha prezydentu na mienskaj ziamli.
Pałova muzeju naahuł addadzienaja pad inšyja ekspazycyi. Prykładam,
u hetyja dni prachodzić šykoŭnaja vystava, pryśviečanaja jubileju čałavieku, čyju tvorčaść nu nijak nia źviažaš z sacrealizmam, kaśmičnaha Jazepa Drazdoviča.I dziŭnavata i kamiedna robicca, kali bačyš u śviatoj śviatych balšavickaj partyi drazdovickija fantastyčnyja kraślunki zorkalotaŭ i partrety marsijanaŭ.
Tak što, naviedajcie dom Rumiancava — tam ciapier nia toje, što vy pryvykli sabie dumać.
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary