Prezydent ZŠA Donald Tramp padpisaŭ zakon, jaki dazvalaje nievylečna chvorym pacyjentam užyvać eksperymentalnyja leki i metady lačeńnia, piša Radyjo Svaboda sa spasyłkaj na Associated Press.
Havorka idzie pra lačeńnie, jakoje nie atrymała dazvołu ŭpraŭleńnia sanitarnaha kantrolu (FDA).
Što heta źmienić? Pacyjentam sa śmiarotnymi dyjahnazami, jakija skarystali ŭsie sertyfikavanyja metady terapii, dazvolać prymać niepravieranyja leki.
Navošta ŭsio heta? Praces lehalizacyi novych metadaŭ lačeńnia ŭ ZŠA zajmaje praciahły čas. Pavodle Associated Press, uzhadnieńnie asobnych lekaŭ moža zaniać niekalki hadoŭ.
Jak uspryniali novy zakon? U Kanhresie ZŠA zakonaprajekt vyklikaŭ debaty. Inicyjatyvu padtrymali respublikancy, jakija ličać, što heta dapamoža ludziam u pošukach nadziei. Pradstaŭniki Demakratyčnaj partyi ličać, što hetaja nadzieja budzie łžyvaj, a zakon ab eksperymentalnym lačeńni niebiaśpiečny.
Kamientary