Vulica imia terarysta ŭ centry Bresta: ministr kultury paabiacaŭ pryz tamu, chto prydumaje novuju nazvu
Ministr kultury RB Juryj Bondar pravioŭ u Breście vyjazny pryjom hramadzian. Siarod prysutnych apynułasia dyrektar muzieja historyi horada Brest Śviatłana Tamčuk.
Jak piša «Viačerni Brest», Śviatłana Tamčuk paprasiła ministra dać admašku na pierajmienavańnie vulicy Chałturyna. Padstava: u histaryčnym centry Bresta da hetaha času znachodzicca vulica, nazvanaja imiem terarysta, žyćcio i «dziejnaść» jakoha nijak nie źviazanaja z horadam. Paźniej jana pryznałasia žurnalistam, što mnohija hości zadajucca pytańniem, čamu ŭ Breście da hetaha času vulica nosić imia čałavieka, ad pamiaci jakoha admovilisia navat u jaho na radzimie ŭ Rasii. U vioscy, dzie naradziŭsia Ściapan Chałturyn, ahulnym rašeńniem žycharoŭ byli źniesieny biust, pastaŭleny ŭ saviecki čas «hieroju».
— Cikava, što ludzi, jakija žyvuć na vulicach, jakija padpadajuć pad pierajmienavańnie, nie zaŭsiody ŭsprymajuć hety praces pazityŭna, — akuratna reziumavaŭ Juryj Bondar. — Ja liču, što pytańnie pierajmienavańnia vulicy pavinna šyroka abmiarkoŭvacca hramadskaściu. Niama ničoha niemahčymaha, kali heta adpaviadaje čakańniam bieraściejcaŭ. Budziem dziejničać cyvilizavanymi mietadami: treba pačać hramadskaje abmierkavańnie pa fakcie pierajmienavańnia vulicy i raspracavać umovy konkursu na najlepšuju novuju nazvu. Najlepšuju nazvu chaj taksama vyznačajuć haradžanie. A pieramožca konkursu atrymaje pryz — ad ministra kultury Biełarusi.
Daviedka
Chałturyn Ściapan Mikałajevič (1856, v Vierchnija Žuraŭli Viackaj hubierni — 1882, Adesa). U 1878 hodzie razam z V. P. Abnorskim staŭ arhanizataram i kiraŭnikom «Paŭnočnaha sajuza ruskich rabočych». Razhrom hetaj arhanizacyi ŭ 1879 i adsutnaść mahčymaściaŭ dla lehalnaj baraćby padšturchnuli Chałturyna da terarystyčnaj dziejnaści «Narodnaj voli». U 1880 im byŭ ažyćcioŭleny vybuch u Zimovym pałacy, kali tolki vypadkovaść vyratavała Alaksandra II. U 1882 hodzie ŭdzielničaŭ u zabojstvie prakurora V. S. Strelnikava, byŭ aryštavany i pakarany nieapaznanym.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary