Arhkamitet litaraturnaj premii imia Ježy Hiedrojca 2018 nahadvaje, što zakančvajecca pryjom zajavak na ŭdzieł u Premii. Naminavacca mohuć knihi, napisanyja na biełaruskaj movie, u žanrach mastackaj i dakumientalnaj prozy, vydadzienyja ŭ papiarovym albo elektronnym varyjancie pamiž 1 studzienia i 31 śniežnia 2017 hoda. Pryjom zajavak budzie zavieršany 31 traŭnia ŭ 23:59.
Zajaŭka pavinna ŭtrymlivać:
1. karotkija źviestki, kantaktnyja numary telefonaŭ i adrasy naminataraŭ;
2. karotkuju tvorčuju bijahrafiju aŭtara albo kožnaha z kalektyvu suaŭtaraŭ;
3. poŭnuju nazvu i anatacyju knihi;
4. uryvak da 10 tysiač znakaŭ, jaki moža być apublikavany abo pradstaŭleny publična Arhkamitetam Premii;
5. knihu ŭ elektronnaj viersii i ad 2 da 7 papiarovych asobnikaŭ knihi;
6. vyjavu vokładki knihi ŭ elektronnaj viersii.
U elektronnym vyhladzie zajaŭki i knihi dasyłajcie na adras: [email protected]
Papiarovyja knihi dla ŭdziełu ŭ konkursie možna dasłać na paštovy adras: 220012, Respublika Biełaruś, h. Minsk, vuł. Kuźmy Čornaha, d. 31, ofis 906.
Zaprašajem usich zacikaŭlenych vykarystać apošni šaniec i pryniać udzieł u samaj prestyžnaj premii ŭ Biełarusi.
U žury premii sioleta ŭvajšli pieravažna krytyki i litaraturaznaŭcy: Valancin Akudovič, Ała Bradzichina, Hanna Butyrčyk, Piatro Vasiučenka, Siarhiej Kavaloŭ, Maryna Kazłoŭskaja, Cichan Čarniakievič.
Uznaharodžańnie pieramožcy Premii Hiedrojca 2018 ustupna płanujecca ŭ vieraśni. Suarhanizatarami premii źjaŭlajucca Biełaruski PEN-centr i Sajuz biełaruskich piśmieńnikaŭ pry padtrymcy Polskaha Instytuta ŭ Minsku.
Kamientary