Strukturnaje padraździaleńnie BDU, jakoje rychtuje kadry dla ŚMI, nadalej budzie nazyvacca fakultetam žurnalistyki — takoje rašeńnie pryniata pa vynikach kruhłaha stała «Stratehičnaje partniorstva ŭ śfierach miedyjavytvorčaści i masavych kamunikacyj» z udziełam pradstaŭnikoŭ kiraŭnictva VNU, byłoha Instytuta žurnalistyki BDU, Ministerstva infarmacyi i kiraŭnikoŭ viadučych ajčynnych ŚMI, piša sb.by.
— Da hetaha času adkrytym zastavałasia pytańnie nazvy fakulteta BDU, — paviedamiła pres-słužba VNU. — Udzielniki kalehijalna pryniali rašeńnie ab zachavańni viadomaj i staŭšaj brendam nazvy — fakultet žurnalistyki.
U krasaviku na Saviecie BDU było pryniata rašeńnie ab rearhanizacyi Instytuta žurnalistyki ŭ dva fakultety. Z struktury instytuta było vyrašana vyvieści fakultet pavyšeńnia kvalifikacyi i pierapadrychtoŭki (FPKP) z prysvajeńniem jamu statusu adzinaha navukova-mietadyčnaha i kaardynacyjnaha centra dadatkovaj adukacyi darosłych u kompleksie VNU. Heta abumoŭlena pašyreńniem FPKP dziejnaści ŭ halinie dadatkovaj adukacyi i ekspartu adukacyjnych pasłuh. U chodzie savieta taksama było vyrašana pierajmienavać fakultet žurnalistyki ŭ suviazi z aktyŭnym raźvićciom isnujučych napramkaŭ padrychtoŭki.
Kamientary