Pavodle dadzienych Dziaržaŭnaj słužby statystyki Ukrainy, siaredni naminalny zarobak štatnaha rabotnika ŭ hetaj krainie ŭ krasaviku 2018 hoda ŭ paraŭnańni z krasavikom 2017-ha vyras na 27,3% i skłaŭ 8480 hryŭniaŭ ($324 u ekvivalencie). U dołaravym ekvivalencie zarobak vyras jašče bolš — na 30%. Heta adbyłosia z-za ŭmacavańnia ŭkrainskaj valuty za apošni hod.
Varta adznačyć, što aficyjnaja statystyka zarobkaŭ va Ukrainie nie zaŭsiody pravilna adlustroŭvaje realnuju zarpłatu ŭ krainie. Šmat ludziej va Ukrainie aficyjna atrymlivaje minimalny zarobak, ale za košt vypłat u kanviertach ich realnyja zarobki našmat vyšejšyja za aficyjnyja. Heta adbyvajecca tamu što pracadaŭcy imknucca paźbiehnuć vialikich padatkovych vypłat.
Pryrost realnaj siaredniaj zarpłaty skłaŭ kala 12,5% (z ulikam inflacyi). Tradycyjna samyja vysokija zarobki — u Kijevie.
Rehijony z samymi vialikimi siarednimi zarobkami:
1) Kijeŭ — $503.
2) Danieckaja vobłaść — $382.
3) Kijeŭskaja vobłaść — $328.
Rehijony z samymi maleńkimi siarednimi zarobkami:
1) Čarnavickaja vobłaść — $245.
2) Ciarnopalskaja vobłaść — $249.
3) Chiersonskaja vobłaść — $253.
Samyja vysokaapłatnyja śfiery:
1) Infarmacyja i telekamunikacyi — $601.
2) Finansavaja i strachavaja dziejnaść — $597.
3) Prafiesijnaja, navukovaja i techničnaja dziejnaść — $436.
Samyja nizkaapłatnyja śfiery:
1) Achova zdaroŭja i vydzialeńnie sacyjalnaj dapamohi — $212.
2) Časovaje raźmiaščeńnie i arhanizacyja charčavańnia — $216.
3) Adukacyja — $251.
Kamientary