Zorka biełaruskaha bijatłonu, alimpijskaja čempijonka Pchiončchana-2018 i bronzavaja pryziorka Sočy-2014 Nadzieja Skardzina patłumačyła pryčyny svajho raźvitańnia ź vialikim sportam. Raniej jana havaryła pra stomlenaść i adsutnaść matyvacyi, u intervju «Priessbołu» pryznałasia, što pryjšoŭ čas zaniacca asabistym žyćciom, stvareńniem siamji.
«Tak, užo 33. Chtości skazaŭ: «Nadzia, moža, jašče adzin cykł alimpijski?» Ja adkazała: «Viedajecie, plus adzin cykł u hety bok značyć minus adzin u inšy». Žanočy žart, ale ŭ im jość praŭda», — havoryć Skardzina. «Adekvatnaja žančyna pavinna razumieć: darahaja, tabie čas spynicca i ŭspomnić ab asnoŭnym pryznačeńni, dadzienym pryrodaj,— praciahvaje bijatłanistka. — I kali nie zrabić heta svoječasova, u ciabie zastanucca tolki ŭspaminy pra sport. Nu i hrošy, jakija ty zarabiła. Ale jany nikoli nie pierakryjuć žanočaha ščaścia… Zaraz pryjšoŭ čas inšaha ščaścia».
«Spadziajusia, Alaksandr Ryhoravič [Łukašenka] mianie zrazumieje», — nieadnarazova paŭtaraje Nadzieja Skardzina. Jana spadziajecca, što jon prymie jaje rašeńnie i paradujecca za jaje.
Kamientary