Fiestyval «Pamiežža» pravodzicca ŭ Miensku ŭžo čaćvierty raz zapar, z 2015 hodu. «Pamiežža» razvažaje pra sustreču i ŭzajemadziejańnie kultur, kanfiesij, supolnaściaŭ, asob, asensoŭvajučy miascovy i suśvietny vopyt chryścijan — i nie tolki.
Pamiežža — heta nie miaža, što padzialaje roznyja niesumiaščalnyja jakaści, a prastora sustrečy roznych kulturnych, etničnych, prafiesijanalnych supolnaściaŭ dla dyjałoha i ŭzajemnaha spaznańnia, kab dziejničać sumiesna — u zhodzie i tvorčaści.
Piatnica, 15 červienia
Muziej historyi teatralnaj i muzyčnaj kultury (Filijał Nacyjanalnaha histaryčnaha muzieja Respubliki Biełaruś) (Muzyčny zavułak, 5)
16.00: Ekskursija dla haściej i ŭdzielnikaŭ fiestyvałju.
16.40: «Słava i trahiedyja naroda Božaha». Prezientacyja vystavy hrafičnych pracaŭ Lilii Ratnier. Iryna Jazykava, mastactvaznaŭca, kandydat kulturałohii, siabra Sadružnaści «Artas», BBI (Maskva).
Lilija Mikałajeŭna (1929—2016) — maskoŭski mastak i mastactvaznaŭca, aŭtar sotniaŭ hrafičnych arkušaŭ i dziasiatkaŭ analityčnych artykułaŭ, pryśviečanych vyjaŭlenčamu mastactvu. Na vystavie pradstaŭlenyja dva tematyčnych cykły — «Praroki» i «Narod Biblii ŭ Aśviencymie», nad jakimi mastačka pracavała ŭ apošnija hady žyćcia.
Subota 16 červienia
«Bieły kabiniet» (vuł. Bialinskaha, d. 4, kv. 49)
11.00: «U vakno/ na vaknie/ z vakna. Nabivanka i vyšyŭka na pałatnie». Prezientacyja pracaŭ Maryny Bialkievič (Maskva).
Mastačka Maryna Bialkievič spałučaje ŭ svaich manumientalnych pracach adrazu niekalki, zdavałasia b, absalutna tradycyjnych technik — šmatsłojnuju linahraviuru, ručnuju nabivanku i vyšyŭku na tkaninie, čym dabivajecca nadzvyčaj śviežaha, «avanhardnaha» efiektu. Kryłaty leŭ, jevanhielist Mark, minajučy vakno, abaročvajecca i bačyć u vaknie nas i buchmatuju kapu kvietak u šklanym słoiku na padvakońni.
Muziej historyi teatralnaj i muzyčnaj kultury (Muzyčny zavułak, 5)
13.00: «Tancy našaha miastečka». Kapeła «Žydovačka» (Barysaŭ). Toma Hajeŭskaja, akardeon; Ania Siamieńnik, skrypka; Ŭłada Michajłava, vijałančel; Vika Łapanik i Nata Hołava, bubien/baraban i tancavalny majstar-kłas.
Kapeła była stvoranaja ŭ 2017 hodzie barysaŭskimi amatarami tradycyjnaj tancavalnaj muzyki biełaruskaha miastečka. Skład ansambla nie «kleźmierski» — pryncypova žanočy. U repiertuary dziaŭčat — papularnyja habrajskija, biełaruskija i polskija miełodyi pieršaj pałovy XX stahodździa. Niekatoryja tancy artysty prapanoŭvajuć razvučyć razam ź imi — pad skrypku i akardeon.
14.00: Aficyjnaje adkryćcio fiestyvalu. Źmicier Strocaŭ, «Novyja Miechi» (Miensk), Alaksandr Fiłonienka, Nacyjanalny Ŭniviersitet imia V. N. Karazina (Charkaŭ).
14.20: «Čechi, niemcy, habrai: šlach da zamireńnia. Vopyt «Meeting Brno»«. David Macek, vice-prezident fiestyvala «Meeting Brno» (Brno, Čechija).
Arhanizatary fiestyvalu ŭ Brno, etničnyja čechi, pryśviacili svaju minułahodniuju sustreču habrajam i niemcam, jakija na praciahu stahodździaŭ žyli ŭ horadzie, ale byli źniščanyja abo vyhnanyja padčas abo paśla Druhoj suśvietnaj vajny. Razmova pra zamireńnie i pakajańnie, vylačeńnie histaryčnaj pamiaci.
Kava-paŭza
16.20: «Być pierakładčykam Novaha Zapavietu». Valancina Kuźniacova, bibleist, mahistr teałohii, pierakładnica i kamientatarka Novaha Zapavietu (Maskva).
Valancina Mikałajeŭna Kuźniacova jašče ŭ siaredzinie 1980-ch atrymała dabrasłavieńnie ad svajho duchaŭnika, ajca Alaksandra Mienia, pierakładać Radasnuju Viestku. Z tych časoŭ jana pierakłała na sučasnuju rasiejskuju movu amal usie knihi Novaha Zapavietu. Jaje mietad vyklikaje pałkija sprečki, a pierakłady nabyvajuć usio bolšaje pryznańnie — jak u śpiecyjalistaŭ, tak i ŭ šarahovych čytačoŭ. U centry ŭvahi pierakładnicy i daślednicy — sama žyvaja, razmoŭnaja, ekspresiŭnaja mova Zbaŭcy i jaho bližejšych vučniaŭ.
Niadziela, 17 červienia
Muziej historyi teatralnaj i muzyčnaj kultury (Muzyčny zavułak, 5)
13.20: Pierformans «Ty jość». «Cichi teatr» (Miensk). Mikita Mukavozčyk, Jaŭhien Mukavozčyk, Alaksiej Kuračoŭ, Nadzieja Kachnovič.
«Cichi Teatr» — interaktyŭny, amatarski, małady: małodšamu ŭdzielniku 15 hod, starejšamu — 29. «Ty jość» — debiutnaja praca, sproba ŭpuścić ŭ «kuchonnuju» razmovu tych, kaho ŭ joj jašče niama, nie čakajučy padabienstva i nie patrabuje čaho-niebudź uzamien.
14.00: «Bačyć sučasnaje mastactva. Sproba chryścijanina». Łuka Fjore, žurnalist, mastactvaznaŭca (Miłan, Italija).
Uvažlivy chryścijanski pohlad na sučasnaje zachodniaje mastactva, jakoje niby «nie pamiataje» Chrysta i pazicyjanuje siabie jaje «inšaje» chryścijanstvu, ale pry hetym vyjaŭlaje Prysutnaść — moža być, navat suproć svajho imknieńnia.
Kava-paŭza
16.00: «Ilvy, tyhry i miadźviedzi: račnyja, łuhavyja, sumatranskija, alaskinskija». Prezientacyja vystavy malunkaŭ Vani Pindryka.
Pradstaŭlenaja ekspazicyja — heta vystava prac niezvyčajnaha chłopčyka, jaki vielmi lubić žyvioł i tamu maluje ich u vialikaj kolkaści, a potym doryć malunki siabram. Žyvioły taksama atrymlivajucca niezvyčajnyja, i nazvy Vania daje im sam. Kožny malunak — śviedčańnie žyvoj lubovi, jakaja, jak i ŭsio na Ziamli, maje svoj charaktar.
16.20: Dyskusija «Ty — dabro dla mianie. Adukacyja jak terapija». Alena Ždanava, Alena Kuc, Elena Macoła, »Latučy dom» (Charkaŭ); Kaciaryna Hryšanava, Letycyja Fiery, «Kamieta» (Koma, Italija). Maderatar Alaksandr Fiłonienka.
Dva vielmi roznych śviety: «Latučy dom» dla dziaŭčat-invalidaŭ u Charkavie i siamiejny adukacyjny centr «Kamieta» dla małyšoŭ i školnikaŭ u italjanskim Koma. Ale i tam, i tam adnym z hałoŭnych šlachoŭ sacyjalizacyi vychavancaŭ bačać atrymańnie imi hodnaj adukacyi — kab rabić dalej samastojnyja kroki ŭ žyćci.
Fiestyval «Pamiežža» pravodzicca ŭ Miensku ŭžo čaćvierty raz zapar, z 2015 hodu. «Pamiežža» razvažaje pra sustreču i ŭzajemadziejańnie kultur, kanfiesij, supolnaściaŭ, asob, asensoŭvajučy miascovy i suśvietny vopyt chryścijan — i nie tolki.
Siarod tem minułych fiestyvalaŭ — ruchi ŭ Carkvie, navamučaniki Biełarusi, vopyt chryścijanskich fiestyvalaŭ u Jeŭropie, sučasnaje śvieckaje i chryścijanskaje mastactva.
Raniej na «Pamiežžy» byli pradstaŭlenyja vystavy, pryśviečanyja mitrapalitu Antoniju Suražskamu, ajcu Łuidžy Džusani, paetu Piehi, chramu Sahrada Familija architektara Haudzi ŭ Barsiełonie; taksama prezientavalisia knihi piedahoha Franka Niembryni, a. Siarhieja Kruhłova, pierakłady knih mitr. Antonija Suražskaha na biełaruskuju movu i inš.
Kamientary