Biełaruski ŭniversitet imia Niła Hileviča ź vieraśnia raspačynaje kursy padrychtoŭki da centralnaha testavańnia, piša Radyjo Svaboda.
Pra heta paviedamili zasnavalniki padčas prezientacyi zboru materyjałaŭ Mižnarodnaj kanfierencyi «Nacyjanalny ŭniviersitet u XXI stahodździ: misija i vykliki»
«Naš univiersitet budzie taksama zajmacca vydavieckaj dziejnaściu i inšymi nakirunkami. Kursy buduć biełaruskamoŭnyja, zamiežnyja movy buduć vykładacca praź biełaruskuju, — zajaviŭ rektar univiersiteta Aleh Trusaŭ. — Hetaksama, jak heta płanujecca i ŭ navučalnym pracesie: biełaruskamoŭnaje navučańnie z vykładańniem šerahu dyscyplin na zamiežnych movach — tak, jak u bolšaści prestyžnych univiersitetaŭ, kali tracina dyscyplin na starejšych kursach vykładajecca na zamiežnych movach. Usia nieabchodnaja navukova-vykładčyckaja baza dla hetaha ŭ nas jość».
Pavodle Trusava, štat vykładčykaŭ Biełaruskaha ŭniviersiteta imia Niła Hileviča budzie farmavacca paśla atrymańnia licenzii na vykładańnie.
Univiersitet prajšoŭ dziaržaŭnuju rehistracyju 15 sakavika 2018 hodu. 12 červienia ŭ Ministerstvie adukacyi Biełarusi prajšli pieramovy ab nadańni licenzii na vykładańnie.
Kamientary