Aktyvisty adnavili złamanyja kryžy kala «Pajedziem, pajadzim»
13 červienia abaroncy Kurapataŭ adnavili 8 kryžoŭ, jakija byli złamanyja napiaredadni nieviadomymi, piša «Radyjo Svaboda».
Hetyja kryžy byli ŭstalavanyja aktyvistami, kab nie dać mahčymaści padvozić pradukty ŭ restaracyju «Pojediem pojedim» z boku Kurapackaha lesu.
![](http://nnexpictures.fra1.digitaloceanspaces.com/img/w732d4webp1/photos/z_2018_06/2157f622-1825-4f11-9654-bd3776c71fb7_cx0_cy11_cw81_w650_r1_s-x55rn.jpg.webp)
Raniej dva kryžy, ustalavanyja la restaracyi, byli całkam złamanyja. Abaroncy Kurapataŭ miarkujuć, što heta zrabili ŭčora pozna ŭviečary supracoŭniki zabaŭlalnaha kompleksu.
![](http://nnexpictures.fra1.digitaloceanspaces.com/img/w732d4webp1/photos/z_2018_06/a45c4b99-8c8c-4ecc-92ad-3564e3d1a7d9_w650_r1_s-z6lyp.jpg.webp)
«My razmaŭlali ź leśnikami, jany kažuć, što nie čapali tych kryžoŭ, siońnia ranicaj ubačyli ich užo zvalenymi ŭ kuču la darohi. A bolš by nichto hetaha nie zrabiŭ», — miarkuje aktyvistka Hanna Šapućka.
U noč na 13 červienia nieviadomyja pavalili kryžy, jakija abaroncy Kurapataŭ vystavili la prajezdu praz achoŭnuju zonu ŭ restaracyju «Pojediem pojedim», što mieścicca za 50 metraŭ ad memaryjału.
Kamientary