Na čempijanacie śvietu pa futbole ŭ Kalininhradzie zbornaja Šviejcaryi ź likam 2:1 abyhrała zbornuju Sierbii. Aŭtaram pieramožnaha hoła na 90-j chvilinie i najlepšym hulcom matča byŭ pryznany paŭabaronca šviejcarcaŭ Džerdan Šakiry — uradženiec Kosava, niezaležnaść jakoha Sierbija nie pryznaje.
![](http://nnexpictures.fra1.digitaloceanspaces.com/img/w732d4webp1/photos/z_2018_06/xherdan-shaqiri-50153975-del74.jpg.webp)
U Kalininhradzie ŭ asnoŭnym zaŭzieli za zbornuju Sierbii. U dzień hulni la hałoŭnaha pravasłaŭnaha sabora Chrysta Zbaŭcy ŭ Kalininhradzie raściahnuli ściah z nadpisam «Adny kolery — adna viera», a na vierandzie kaviarni ŭ centry horada — sierbski ściah «My ruskich nie kiniem», paviedamlaje Delfi sa spasyłkaj na Sports.ru.
Pierad hulnioj Sierbski futbolny sajuz źviarnuŭsia da zaŭziataraŭ z prośbaj nie vyviešvać palityčnych banieraŭ, a šviejcarcy admianili tradycyjny masavy prachod da stadyjona. Hetyja kroki rabilisia dziela biaśpieki — hulni prysvoili pavyšanuju stupień ryzyki, bo ŭ palicyi aścierahalisia sutyknieńniaŭ sierbaŭ i kosaŭskich ałbancaŭ (ich u Šviejcaryi bolš za 200 tysiač).
Niahledziačy na aściarohi, da hulni ŭ Kalininhradzie było cicha i spakojna. Sierby i šviejcarcy razam pili piva i fatahrafavalisia. Ale na stadyjonie, kali abjaŭlali hulcoŭ, sierby aśvistali ŭsich šviejcarcaŭ. Najbolš dastałasia Džaka, Dziemaili, Siefieroviču (jon baśnijec) i asabliva — Džerdanu Šakiry i Biechrami. Abodva nikoli nie chavali, što ich radzima — Kosava.
U składzie Šviejcaryi na ciapierašnim ČS mała karennych šviejcarcaŭ — sabranyja abo mihranty, abo dzieci mihrantaŭ, u asnoŭnym, byłych juhasłavaŭ i kosaŭskich ałbancaŭ. Adzin ź ich, Biechrami, nabiŭ tatuiroŭku z kosaŭskim i šviejcarskim ściahami.
U matčy ČS suprać sierbaŭ Šakira hulaŭ u bucach z vyjavaj ściahoŭ Kosava i Šviejcaryi. A paśla svajho pieramožnaha hoła paŭabaronca skłaŭ na hrudziach ruki ŭ fihuru, jakaja nahadvaje malunak arła na ściahu Ałbanii. Na ałbanskaj movie krainu nazyvajuć «Škipieryja» — kraina arłoŭ.
İsviçre Milli Takımı forması giyen Kosova doğumlu Xherdan Shaqiri'nin kramponları #SRB #SUI #WorldCup #Rusia2018 pic.twitter.com/ViVimWesmK
Padčas matča sierby abražali Šakiry i tykali ŭ jaho bok siarednimi palcami i paśla finalnaha śvistka — kali jaho nazvali najlepšym hulcom matča.
Džerdan Šakiry naradziŭsia ŭ 1991 hodzie ŭ horadzie Hniłanie na terytoryi sučasnaj Respubliki Kosava, niezaležnaść jakoj nie pryznajuć Sierbija i jašče šerah krain, u tym liku Rasija. Siamja hulca imihravała ŭ Šviejcaryju ŭ 1992 hodzie.
Na pres-kanfierencyi Šakiry spytali, navošta jon pakazaŭ ałbanskaha arła paśla hoła za Šviejcaryju. «Heta prosta emocyi. Ja byŭ vielmi ščaślivy, što zabiŭ hoł, i ciapier nie chaču pra heta havaryć», — adkazaŭ šviejcarski futbalist.
«Ja nikoli nie zabudu, što naradziŭsia ŭ Kosavie, — raspaviadaŭ raniej Šakiry. — Heta vielmi-vielmi biednaja kraina, dzie mała pracy i hrošaj. U majoj siamji amal ničoha nie było. Dom majho dziadźki spalili. Naš zastaŭsia cełym, ale jaho razrabavali — niešta skrali, niešta złamali abo raźbili. A ścieny byli zalityja farbaj. Ja rady, što my znajšli ŭ Šviejcaryi biaśpiečnaje miesca, dzie možam mirna žyć».
«U mianie šviejcarski mientalitet, ale doma ja razmaŭlaju na ałbanskaj. Žyć u Šviejcaryi było niaprosta. Moj tata nie viedaŭ movy i tamu spačatku pracavaŭ myjščykam posudu ŭ restaranie, potym budavaŭ darohi. Mama była prybiralščycaj u ofisnym budynku, my z bratam dapamahali joj myć vokny. Žyć u Šviejcaryi i tak doraha, a my pavinny byli adpraŭlać hrošy svajakam, jakija zastalisia ŭ Kosavie», — kazaŭ jon.
A pieršy hoł u varoty sierbaŭ taksama zabiŭ etničny ałbaniec — paŭabaronca zbornaj Šviejcaryi Hranit Džaka. Jon naradziŭsia ŭ Bazieli, ale jaho baćki — kosaŭskija ałbancy, a brat Taŭlant Džaka hulaŭ na Jeŭra-2016 za zbornuju Ałbanii. Paśla abodvuch hałoŭ šviejcarcaŭ Džaka składaŭ ruki ŭ fihuru, jakaja nahadvaje malunak arła na ściahu Ałbanii.
![](http://nnexpictures.fra1.digitaloceanspaces.com/img/w732d4webp1/photos/z_2018_06/granit-xhaka-50153965-qrdas.jpg.webp)
«Dla mianie heta asablivaja hulnia. Hetaja pieramoha — dla ŭsich maich siabroŭ i svajakoŭ, jakija zaŭsiody padtrymlivali mianie. Majo śviatkavańnie — heta nie sihnał supierniku. Hety žest — dla ludziej, jakija zaŭsiody sa mnoj, chto nikoli mianie nie padvodziŭ. Dla majoj radzimy, dzie naradzilisia maje baćki. Heta čystyja emocyi», — skazaŭ Džaka paśla matča.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
![](http://nashaniva.com/img/w732d4webp1/photos/z_2018_06/banner2306-w0z2j.gif.webp)
Kamientary