Błastar Chana Soła z «Zornych vojnaŭ» pradadzieny za 500 tysiač dalaraŭ
Butaforski «błastar» Chana Soła, jakim hieroj Charysana Forda karystaŭsia padčas zdymak adnaho ź filmaŭ kłasičnaj tryłohii «Zornych vojnaŭ», pajšoŭ z małatka za 550 tysiač dalaraŭ, piša Bi-bi-si.
Rekvizit filma «Viartańnie džedaja», vykanany z dreva z elemientami płastyku i mietału, 30 hadoŭ znachodziŭsia ŭ kalekcyi art-dyrektara filma Džejmsa Šopie.
Błastar Chana Soła acanili vyšej, čym śvietłavy mieč, jakim u pieršych dźviuch častkach filma byŭ uzbrojeny Luk Skajuokier — jaho kupili za 450 tysiač dalaraŭ (385 tysiač jeŭra).
Za svaju pracu ŭ jakaści art-dyrektara karciny Šopie byŭ naminavany na «Oskar» u 1984 hodzie, ale nie atrymaŭ jaho. Uznaharoda tady była addadziena art-dyrektaru filma «Fani i Alaksandr» Hańnie Asp.
Šopie vystaviŭ na aŭkcyjon jašče kala 40 pradmietaŭ rekvizitu ź filma, uklučajučy siakieru evoka i čarciož karabla Džaba Chata.
Za siakieru evoka adzin z pakupnikoŭ zapłaciŭ 11 250 dalaraŭ (kala 9,642 jeŭra), a jašče adzin błastar byŭ pradadzieny za 90 624 dalary, raspaviali ŭ kampanii Julien's Auctions, jakaja arhanizavała aŭkcyjon.
Samym darahim z kali-niebudź pradadzienych pradmietaŭ rekvizitu z «Zornych vojnaŭ» byŭ droid R2-D2, jaki pajšoŭ z małatka za 2,76 młn dalaraŭ u minułym hodzie.
Kamientary