U śfiery achovy zdaroŭja praciahvajucca zatrymańni. Jašče na minułym tydni byŭ zatrymany hałoŭny doktar Minskaj abłasnoj kliničnaj balnicy, piša Tut.by.
«Zatrymany hałoŭny doktar Minskaj abłasnoj kliničnaj balnicy — za pieravyšeńnie słužbovych paŭnamoctvaŭ. Zatrymali ŭ sieradu, vyvieli ŭ kajdankach. Da hetaha času niama nijakaj aficyjnaj infarmacyi», — paviedamiła krynica ŭ MAKB.
Zatrymańnie paćvierdziŭ jašče adzin surazmoŭca ź sistemy achovy zdaroŭja.
U Śledčym kamitecie pra zatrymańnie hałoŭnaha doktara MAKB «nie majuć infarmacyi na hety kont». U KDB hetuju infarmacyju taksama nie kamientujuć.
Tym nie mienš, hałoŭny doktar Minskaj abłasnoj kliničnaj balnicy adsutničaje na pracoŭnym miescy ź minułaha tydnia.
«U nas niama nijakaj aficyjnaj infarmacyi. Źviartajciesia da kiraŭnictva», — skazała TUT.BY v.a. hałoŭnaha ŭrača Alena Indziukova.
Kamientary