Tut i dalej fota: Aleh Łatuška, Fartunata Łatuška
U Minsku źjaviŭsia stryt-art, pryśviečany piśmieńnicy Śviatłanie Aleksijevič. Jon mieścicca na adnym z kolišnich zavadskich karpusoŭ na tusovačnaj vulicy Kastryčnickaja. Źjaŭleńnie murała prymierkavana da vychadu piacitomnika «Hałasy Utopii» — sučasnych pierakładaŭ piaci asnoŭnych tvoraŭ Aleksijevič na biełaruskuju movu.
Kali padyści da art-abjekta ŭščylnuju, dyk možna pačuć nobieleŭskuju lekcyju, ź jakoj Aleksijevič vystupiła na ŭručeńni premii, adznačaje «Jeŭraradyjo».
Aŭtar artu — vuličny mastak Ihar Stachijevič (Bazinato) z Maładziečna. U minułym siezonie na fiestyvali «Vulica Brazil» jon dobra chajpanuŭ, pastaviŭšy tam ža, na Kastryčnickaj, fihuru «Vialikaja istota», jakoj minaki nieŭzabavie adbili ruki.
Spadziajemsia, što stryt-art, na jakim Aleksijevič čytaje nobieleŭskuju lekcyju, napatkaje bolš udziačny los.
