Jak stała viadoma «Našaj Nivie», skončyŭ žyćcio samahubstvam načalnik Niaśvižskaj mižrajonnaj dziaržaŭnaj inśpiekcyi pa achovie žyviolnaha i raślinnaha śvietu pry prezidencie Viačasłaŭ Ściapura.
Jamu było 53 hady.
Fota gosinspekciya.gov.by
Ad 25 maja jahonyja abaviazki vykonvaje inšy rabotnik.
Nahadajem, u pačatku červienia Łukašenka zładziŭ pahrom hetamu viedamstvu — byłoje kiraŭnictva Inśpiekcyi złavili na karupcyi i zvolnili z zaviadzieńniem kryminalnych spraŭ, a novym kiraŭnikom pryznačyli čałavieka z pahraničnaha śpiecnaza (ASAM) — Juryja Cierciela, jaki atrymaŭ zahad «navieści naležny paradak».
Siarod fihurantaŭ spraŭ byli niekalki kiraŭnikoŭ mižrajonnych inśpiekcyj, siarod ich i Ściapura.
Čytajcie taksama: Łukašenka znoŭ zhadaŭ Inśpiekcyju pa achovie pryrody. Nakolki važnaja hetaja struktura?
U Ściapury zastałosia dvoje dziaciej. Da pryznačeńnia ŭ Inśpiekcyju jon pracavaŭ namieśnikam kiraŭnika miascovaha RUUS.