U liście parłamientu, jaki ratyfikavaŭ pahadnieńnie pra novuju nazvu Makiedonii, Hiorhie Ivanoŭ zajaviŭ pra pahrozu «nacyjanalnaj makiedonskaj identyčnaści», paviedamlaje Deutsche Welle.
Prezident Makiedonii Hiorhie Ivanoŭ admoviŭsia padpisvać pahadnieńnie z Hrecyjaj pra novuju nazvu krainy — Respublika Paŭnočnaja Makiedonija. «Ja nie zhodny z papraŭkaj da Kanstytucyi ab źmienie dziaržaŭnaha nazvy», — zajaviŭ jon u liście parłamientu, apublikavanym u aŭtorak, 26 červienia.
Na dumku Ivanova, pahadnieńnie z Afinami «pahražaje nacyjanalnaj makiedonskaj identyčnaści». Składajučy kampramis, kraina padparadkoŭvajecca voli Hrecyi i akazvajecca ŭ zaležnaści ad jaje, upeŭnieny prezident Makiedonii. Akramia taho, pahadnieńnie vychodzić za miežy rezalucyjaŭ Rady Biaśpieki AAN i nie maje kanstytucyjnaj padstavy, havorycca dalej u liście.
