U subotu 30 červienia ŭ Muziei narodnaj architektury i pobytu pad Minskam adbudziecca pieršy biełaruski rok-fiestyval «Naš dzień». Arhanizatary abviaścili čarhu vystupaŭ muzykaŭ i zabaŭlalnuju prahramu.
Muzyčnaja častka
Muzyčny łajn-ap fiestyvalu składajuć 12 najlepšych imionaŭ sučasnaj biełaruskaj rok-muzyki, a taksama pieramožcy konkursu maładych hurtoŭ. Modnyja biełaruskija hurty i sapraŭdnyja lehiendy pobač. Hučnyja hitarnyja ryfy i ščyraja liryka. Kali vy apošni raz bačyli stolki vybitnych biełaruskich muzykaŭ na adnoj scenie? Pytańnie ź vidavočnym adkazam.
Raskład vystupaŭ:
| 12:00 — pieramožcy konkursu 13.00 — B:N: 13.30 — Mutnajevoka 14.10 — Piatro Klujeŭ 14.50 — The Superbullz 15.40 — Źmicier Vajciuškievič 16.20 — Neuro Dubel | 17.00 — Krama 17.50 - Akute 18.30 — Nizkiz 19.20 — Daj darohu 20.10 — Dzieciuki 21.00 — Volski
|
Zabavy i placoŭki
- Fudkort — piva («Biełaruskaja karčma»), biełaruskaja kuchnia, kiebaby, chot-dohi, kava, harbata dy inš.
- Quvalda — biełaruskaja hulniavaja prastora z kvestam, virtualnaj realnaściu, hałavałomkami dy inš.
- Dziciačaja placoŭka — batut, aktyŭnyja hulni, biełaruskija nastołki, łuk, koni dy inš.
- HA «Ehida» — kožny budzie mieć mahčymaść uziać sabie biazdomnaha kocika ci sabačku.
- Kirmaš ramieśnikaŭ — vyraby z dreva, sałomki, mietału, hliny i h.d.
- Kirmaš biełaruskaj vopratki i atrybutyki — LSTR, Symbal.by, «Kniaź Vitaŭt», «Moj modny kut».
- Zona NDA — šmatlikija adukacyjnyja, kulturnyja, ekałahičnyja, hramadskija inicyjatyvy, u tym liku majstar-kłasy pa ličbavaj biaśpiecy, ekałahičnym ładzie žyćcia i šviedskaj movie.
- Futbolnaja zona — FK «Tarpieda Minsk».
Jak dajechać
- Placoŭka: Muziej narodnaj architektury i pobytu za vioskaj Aziarco (4 km ad MKAD za aŭtarynkam «Malinaŭka»).
- Na ŭłasnym aŭto (budzie parkoŭka) ci rovary.
- Pryharadnymi aŭtobusami ad aŭtastancyi «Paŭdniova-Zachodniaja».
- Haradskim aŭtobusam №170E ad AS «Paŭdniova-Zachodniaja», jaki spyniajecca na prypynkach mietro «Piatroŭščyna» i «Malinaŭka».
- Maršrutnym taksi 1277-tk ad stancyi mietro «Piatroŭščyna».
- Dadatkovym aŭtobusam №203E ad stancyi «Paŭdniova-Zachodniaja» (praź mietro «Piatroŭščyna»).
- Z 22.00 da 23.00 ad muzieja ŭ bok horada buduć chadzić biaspłatnyja aŭtobusy, na jakich možna budzie dajechać da mietro «Malinaŭka».
- Pryvatny tranśfier na fiestyval i ź fiestyvalu — padrabiaźniej tut.
Kvitki
Kvitki na fest kaštujuć 28 rubloŭ. U dzień festa — 30. Nabyć možna ŭ kasach i na sajcie Kvitki.by, a taksama na ŭvachodzie. Padrabiaznaja infarmacyja pra fest na staronkach u Facebook i VK. Infalinija: (033) 661 14 32.
38-hadovaha vajskovaha lotčyka sudziać za abrazu Łukašenki3
Kamientary