List čytača: «Staŭleńnie Minsktransa da pracy ŭ dzień repietycyi parada — śvinskaje»
Čytač «Našaj Nivy» Siarhiej narakaje, što jamu praz repietycyju parada i zatrymki hramadskaha transpartu daviałosia pieššu viartacca dadomu ŭ Zialony Łuh.
Sutyknuŭsia z takoj situacyjaj: praz repietycyju parada kala 23-j hadziny ruch pa vulicy Maksima Bahdanoviča byŭ pierakryty, apošni 53-i tralejbus, jaki pajechaŭ u bok Zialonaha Łuha i paśpiachova dajechaŭ da kancavoha prypynku, adpraviŭsia ź Niamihi ŭ 22.50. Na vialiki žal, ja na jaho nie paśpieŭ. Paśla čaho da 00.30, tralejbusy pa maršrucie 53 nie chadzili. U 00.30, užo 29 červienia, ja sieŭ na tralejbus na prypynku «Praśpiekt Mašerava», tralejbus dajechaŭ da prypynku «Viery Charužaj» i znoŭ staŭ, kiroŭca skazaŭ usim pasažyram pierasieści ŭ apošni pa časie tralejbus numar 53-y, a sam paviarnuŭ u park.
Apošni pa maršrucie tralejbus 53-y ŭ bok Zialonaha Łuha znoŭ spyniŭsia na prypynku «Park Družby narodaŭ» i trochi pastajaŭ da zakančeńnia repietycyi parada, heta było ŭ rajonie 00.49 (pa raskładzie jon pavinien być na hetym prypynku ŭ 00.36), u 00.50, kali my ŭžo pačali zajazdžać na kalcavuju parku Družby narodaŭ, kiroŭca spyniŭsia i skazaŭ, što jamu patelefanavali z dyśpietčarskaj, kab jon jechaŭ taksama ŭ park. U vyniku kala sta čałaviek patupali ŭ bok Zialonaha Łuha pieššu.
Mianie aburaje toj fakt, što 53-i tralejbus nie dajechaŭ da kanca maršrutu, chacia pa časie zatrymka składała ŭsiaho tolki 14 chvilin.
Ja liču što, heta śvinskaje staŭleńnie Minsktransa da svaich pasažyraŭ», — aburajecca čytač Siarhiej.
Kamientary