Namieśnik ministra kultury pra restaran la Kurapataŭ: Maja siamja i kalehi abiedać tudy nie pojduć — heta fakt
Namieśnik ministra kultury vykazaŭsia nakont kanfliktu pamiž abaroncami Kurapataŭ i supracoŭnikami restarana «Pajedziem, pajadzim». Pa słovach Alaksandra Jacko, asabista jon ź siamjoj i kalehami abiedać tudy nie pojdzie, «heta fakt». Piša TUT.BY.
Pytańnie pra kanflikt z nahody restarana la miesca pachavańnia ŭ Kurapatach zadali namieśniku ministra kultury deputat Hanna Kanapackaja ŭ Pałacie pradstaŭnikoŭ.
— Chaciełasia b mnie daviedacca pazicyju Ministerstva kultury pa hetym pytańni i što robić viedamstva, kab vyrašyć kanflikt?
— pacikaviłasia deputatka.
— Asnoŭnyja pytańni, jakija ciapier ŭźnikajuć — heta pra pamiery i vieličyniu, pravamiernaść achoŭnych zon, — zajaviŭ namieśnik ministra Alaksandr Jacko. — Da 2014 hoda vyraznych kankretnych zon tam nie było, i tolki ŭ 2014 hodzie byli ŭniesieny i zaćvierdžany adpaviednyja navukova abhruntavanyja prapanovy pa vyznačeńni miažy zony dadzienaj achoŭnaj terytoryi. Isnujučaja dziejnaść ažyćciaŭlajecca ŭ ramkach dziejnych rehłamientaŭ, pravavych padstaŭ dla pryniaćcia niejkich mier z boku Minkulta na dadzienym etapie niama.
Adnak, akramia pravavych, jość jašče i inšyja momanty, adznačyŭ namieśnik ministra.
— Što tyčycca asobasnaha aśpiektu, to ni ja, ni maja siamja, ni, napeŭna, supracoŭniki Ministerstva kultury ŭ hetuju ŭstanovu abiedać, śniedać i viačerać nie pojduć — heta fakt.
Kamientary