Z 28 červienia Transpartnuju inśpiekcyju ŭznačaliŭ Ryhor Vieramko. Pra heta auto.tut.by paviedamili ŭ viedamstvie
Novy kiraŭnik Transpartnaj inśpiekcyi Mintransa — Ryhor Vieramko, byŭ pryznačany zahadam ministra transpartu 28 červienia.
Ryhor Vieramko byŭ namieśnikam staršyni Kamiteta dziaržkantrolu, jon pałkoŭnik finansavaj milicyi. U 2013 hodzie prezident vyzvaliŭ jaho ad pasady, zvolniŭšy sa słužby ŭ orhanach finansavych rasśledavańniaŭ u zapas pa ŭzroście z pravam našeńnia ŭstanoŭlenaj formy adzieńnia i znakaŭ adroźnieńnia.
Pradstaŭlajučy novaha kiraŭnika, ministr transpartu Anatol Sivak adznačyŭ, što zadačy transpartnikaŭ — vykanańnie kantrolnych funkcyj. «Siońnia treba źmianić mietady i sposaby kantrolu, pierahledzieć padychod da jaho praviadzieńnia. Kantrol treba vyrazna padzialić pamiž Transpartnaj inśpiekcyjaj i inšymi kantralujučymi orhanami», — skazaŭ ministr.
Nahadajem, papiaredni načalnik Transpartnaj inśpiekcyi Mintransa Leanid Lemieš, jaho namieśnik Alaksiej Kucajeŭ, a taksama načalniki transpartnych inśpiekcyj u Homieli i Hrodnie, byli zatrymanyja viasnoj 2017 hoda.
Pa paviedamleńni KDB u Transpartnaj inśpiekcyi była raskryta karupcyjnaja schiema. Nibyta z 2015 hoda načalnik Leanid Lemieš i jaho namieśnik Alaksiej Kucajeŭ pry sadziejničańni padnačalenych pastavili na patok «handal» dazvołami na prajezd vielikahruzaŭ za miažoj. Za kožny dazvoł u transpartnych kampanij prasili ad 50 da 120 jeŭra.
Pa viersii śledstva, pasrednikami ŭ rehijonach byli i kiraŭniki Hrodzienskaha, Homielskaha filijałaŭ inśpiekcyi. U vyniku ŭ SIZA KDB apynulisia 9 supracoŭnikaŭ inśpiekcyi. Spravy zavodzili pa artykułach ab dačy i atrymańni chabaraŭ, a taksama machlarstvie.
Sud nad Leanidam Lemiešam pačaŭsia 12 červienia 2018 hoda. Na toj pieryjad paviedamlałasia, što Lemieš jašče nie byŭ zvolnieny.
Kamientary