Inžyniery z ZŠA i Kitaja stvaryli NFC-mietku z datčykam rečyvaŭ, jakija ŭtvarajucca ŭ vyniku hnijeńnia. Paśla taho, jak kancentracyja hazaŭ pavysiłasia da ŭstanoŭlenaha ŭzroŭniu, datčyk źmianiaje ŭłaścivaści mietki, jakija možna sčytać z dapamohaj smartfona, pieradaje internet-vydańnie N+1.
Zvyčajna pakupniki pry vybary praduktaŭ hladziać na termin prydatnaści na ŭpakoŭcy. Tym nie mienš, hetyja ŭmovy mohuć nie vykonvacca, a ŭ vypadku z pryhatavanymi praduktami čałavieku davodzicca aceńvać termin samastojna i niuchać pradukty. Pravieryć stan ježy možna z dapamohaj datčykaŭ hazaŭ-markieraŭ, ale zvyčajna jany davoli hruvastkija i nieprydatnyja ŭ pobycie.
Hrupa inžynieraŭ pad kiraŭnictvam Hujchua Ju z Techaskaha univiersiteta ŭ Ościnie stvaryła bolš prostuju pryładu, jakaja maje dosyć vysokuju adčuvalnaść da rečyvaŭ, što ŭtvarajucca pry hnijeńni ježy. Dla taho, kab NFC-mietka mahła reahavać na prysutnaść hazaŭ, raspracoŭščyki ŭbudavali ŭ jaje elektryčnuju sietku ŭčastak elektrapravodnaha palimiera.
Pryncyp pracy mietki zasnavany na tym, što palimier mianiaje svaju elektrapravodnaść ŭ prysutnaści amijaku abo rečyvaŭ z aminahrupami, pakolki jany vystupajuć u roli donara elektronaŭ i adnaŭlajuć materyjał. Hetu ŭłaścivaść možna vykarystoŭvać dla vyjaŭleńnia ježy z aktyŭnym pracesam hnijeńnia, tamu što pry hetym ŭtvarajucca amijak i bijahiennyja dyaminy, u tym liku putraścin i kadavieryn.
Palimierny datčyk ŭ łancuhu NFC-mietki vystupaje ŭ roli pieramykača, jaki pieršapačatkova vyklučany i źnižaje kaeficyjent adlustravańnia, ale ŭ prysutnaści asobnych rečyvaŭ pieramykajecca, što možna sčytać z dapamohaj smartfona z NFC-antenaj i admysłovym dadatkam. Inžyniery pratestavali mietki na nievialikich kavałačkach miasa i ryby, jakija vytrymlivali pry tempieratury 30°C na praciahu 20 hadzin.
Vyniki pakazali, što ŭ vypadku z rybaj pakazańni datčyka źmianilisia prykładna na 100%, a dla kurycy bolš čym na 500%.
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks9
Kamientary