U redakcyju Tut.by źviarnuŭsia čytač i raskazaŭ, što znajšoŭ u supie ŭ «Lido» na Kulman askiepki škła.
Juryj Daniłaŭ raskazvaje, što jon pastajanny naviedvalnik «Lido»: chodzić u restaran praktyčna kožny dzień. U sieradu, 4 lipienia, mužčyna razam z synam abiedaŭ va ŭstanovie na Kulman i znajšoŭ u supie prazrystyja askiepki škła.
— Ja jeŭ hrybny sup i adčuŭ, jak niešta chrusnuła ŭ rocie. Spačatku dastaŭ adzin vostry kavałak, zatym druhi mienšy. Parezaŭ trochi hubu. Kali b ja prahłynuŭ askiepki, ja b užo na apieracyju jechaŭ. Dobra, što z synam ničoha nie zdaryłasia. Paklikaŭ administratara. Jana spytała, čym nam mohuć dapamahčy. Ja raspavioŭ, maŭlaŭ, voś takaja situacyja skłałasia i paprasiŭ knihu skarhaŭ.
Pa słovach Juryja, administratar prapanavała ŭładzić kanflikt. A mienavita — prapanavała dać ježu z saboj u jakaści kampiensacyi.
— Dziŭna, ale mnie navat nie prapanavali viarnuć hrošy. Ja nie biedny čałaviek, mnie, uvohule, heta nie treba. Paśla taho jak pakinuŭ zapis u knizie skarhaŭ, patelefanavaŭ u MNS. Mnie skazali, što tam padobnymi pytańniami nie zajmajucca, tady ja źviarnuŭsia ŭ centr hihijeny i epidemijałohii Kiraŭnictva spravami prezidenta (darečy, u strukturu KSP ŭvachodzić i samo «Lido». — Zaŭvaha. TUT.BY).
U centry mužčynu paraili pakinuć elektronny zvarot, pa jakim praviaduć pravierku va ŭstanovie.
— Ja razumieju, što heta budzie nieefiektyŭna. Na heta nichto apieratyŭna nie adreahuje, i jany praź niejki čas buduć pravodzić pravierku. Ale ž tam vialiki patok ludziej!
Mužčyna sfatahrafavaŭ askiepki, ček, zapis u knizie skarhaŭ, a taksama pakinuŭ elektronny zvarot na sajcie centra hihijeny i epidemijałohii. Askiepki, kaža, zabraŭ z saboj.
U adździele markietynhu RUP «Lido» rastłumačyli, što pakul nie hatovyja dać padrabiazny kamientar adnosna hetaj situacyi.
— Ci sprabavali daviedacca ŭ hościa, u čym pryčyna. Jon z administrataram na dyjałoh nie pajšoŭ, paprasiŭ tolki knihu skarhaŭ i prapanoŭ. Zaraz na pradpryjemstvie viadziecca ŭnutranaje raźbiralnictva zdareńnia.