Šerah rasijskich i biełaruskich ŚMI paviedamili, što kampanija Xiaomi «nazaŭždy spyniaje vypusk smartfonaŭ» abo «smartfony pad brendam Xiaomi źniknuć z rynku». Nasamreč heta nie tak, udakładniaje Tut.by.
Pieršapačatkova havorka išła pra toje, što Xiaomi dla vychadu na rynak Jeŭropy i ZŠA moža vypuskać smartfony pad brendam Pocophone. Pra heta paviedamlaje profilny resurs PhoneArena sa spasyłkaj na infarmacyju, atrymanuju z FCC (Fiederalnaj kamisii pa suviazi ZŠA).
Na takoje kampanija moža pajści z-za napružanaści z prodažami hadžetaŭ ad inšych bujnych kitajskich kampanij (naprykład, Huawei i ZTE) na terytoryi ZŠA. Padobny krok dla vychadu na amierykanski rynak užo ŭžyvali ŭ Huawei z brendam Honor.
Niekatoryja rasijskija i biełaruskija ŚMI vyrašyli dać zahałovak na hetuju temu inakš: «Xiaomi nazaŭždy spyniaje vypusk smartfonaŭ», «Xiaomi spyniaje vypusk smartfonaŭ pad svaim brendam», «Kitajskija smartfony pad brendam Xiaomi źniknuć z rynku».
Nasamreč heta nie tak. Peŭnyja vydańni taksama paviedamili, što paśla vychadu smartfonaŭ pad brendam Pocophone aparaty pad «kłasičnymi» brendami (Mi i Redmi) nazaŭždy źniknuć abo buduć pradavacca tolki na kitajskim rynku. U aryhinalnaj naviny razmovy pra heta nie išło.
Infarmacyja ź Fiederalnaj kamisii pa suviazi ZŠA raskryła niekatoryja asablivaści novaha aparata pad brendam Pocophone. Jaho madelny numar - M1805E10A. Siońnia ŭ sietcy ŭžo źjavilisia jaho mierkavanyja techničnyja charaktarystyki.