Brytanskaja palicyja ličyć, što achviary atručeńnia niervova-paralityčnym rečyvam «Navičok» z Ejmśbiery, chutčej za ŭsio, dakranalisia da jomistaści z atrutnym rečyvam. Pra heta ŭ paniadziełak paviedamiŭ kiraŭnik Kontrterarystyčnaha upraŭleńnia Skotłand-Jarda Nejł Basu. Śledčyja schilajucca da taho, što dadzieny incydent źviazany z atručeńniem Siarhieja i Julii Skrypal.
Pavodle jaho słoŭ, śmierć Don Sterdžes, jakaja pamierła 8 lipienia ŭ balnicy, śviedčyć ab tym, što jana i jaje partnior Čarli Roŭli stali achviarami «vysokaj dozy» niervova-paralityčnaha rečyva. Pa słovach Basu, rabočaja viersija palicyi zaklučajecca ŭ tym, što ich atručeńnie źviazana z bolš rańnim atručeńniem Siarhieja Skrypala i jaho dački Julii. U toj ža čas, jak udakładniŭ Basu, śledčyja pakul nie mohuć skazać, ci byŭ «Navičok», jakim atruciłasia para z Ejmśbiery, tym ža samym rečyvam, jakim atrucilisia Skrypali.
Atručeńnie 44-hadovaj Don Sterdžies i 45-hadovaha Čarli Roŭli z Ejmśbiery, jaki znachodzicca niedaloka ad Sołśbiery, adbyłosia ŭ kancy červienia. Ich špitalizavali ŭ krytyčnym stanie. 8 lipienia žančyna pamierła.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary