Znos budynka, dzie 25 sakavika ŭ vyniku pažaru zahinuli 60 čałaviek, pačaŭsia ŭ subotu, śpiectechnika rasčyščaje placoŭku ad budaŭničaha śmiećcia, pieradaje TASS.
15 maja rasijskija ŭłady ŭžo pačynali demantavać HC, uziaŭšysia za budynak, što nie paciarpieŭ padčas pažaru. U im mieścilisia łaźnia, saŭna i aŭtamyjka. U toj ža dzień ŚMI paviedamlali ab prypynieńni rabot, ale paźniej jany adnavilisia — było źniesiena kala pałovy budynka. Dalej pracy nie prasoŭvalisia, technika źjechała.
Raniej u administracyi rehijonu TASS tłumačyli, što pytańnie znosu HC, jaki znachodziŭsia pad aryštam, moža być vyrašana pry adsutnaści jakich-niebudź abmiežavańniaŭ u adnosinach da budynkaŭ i ziamielnych učastkaŭ, pry ŭzhadnieńni z ułaśnikami majomaści. U piatnicu, 13 lipienia, u abłasnoj administracyi skazali, što pačnuć demantaž 14 lipienia z razboru źniešnich elemientaŭ, a 19 lipienia da prac dałučycca ciažkaja technika.
U HC uvachodzić siem budynkaŭ, jak raźmieščanych pobač, tak i tych, što stajać asobna. Uładalnikami centra vystupali kala 40 ułaśnikaŭ, asnoŭny — «Kiemieraŭski kandytarski kambinat» (KKK). HC byŭ pryznany rečavym dokazam pa kryminalnaj spravie, znachodziŭsia pad aryštam i byŭ pieradadzieny na zachoŭvańnie meryi. Pamiž KKK i administracyjaj horada było zaklučana pahadnieńnie ab namiery biazvypłatna pieradać va ŭłasnaść Kiemierava nieruchomuju majomaść HC «Zimovaja višnia».
Pieršapačatkova mierkavałasia, što kompleks budzie źniesieny, a na jaho miescy da 1 vieraśnia stvorać park ci skvier. U piatnicu administracyja rehijonu paviedamiła, što da 1 vieraśnia budzie dobraŭparadkavana miesca stychijnaha miemaryjału, jaki źjaviŭsia na ranicu paśla trahiedyi i byŭ razabrany ŭ červieni. Taksama, pa dadzienych administracyi, pryniata rašeńnie ab stvareńni na placoŭcy HC skviera.
Kamientary