Kiraŭnik Nacyjanalnaj raźviedki ZŠA Den Koŭts raspavioŭ pra maštabnuju chvalu kibieratak, jakoj padviarhajecca infrastruktura ŭ ZŠA, pieradaje CNN. Pavodle jaho słoŭ, padobnyja «papieradžalnyja znaki» naziralisia pierad teraktami 11 vieraśnia.
«My bačym papieradžalnyja znaki … Ja vieru, što heta krytyčny punkt dla nas. Siońnia ličbavaja infrastruktura našaj krainy ŭ litaralnym sensie znachodzicca pad atakaj», — zajaviŭ Koŭts na vystupie ŭ Vašynhtonie.
Koŭts paraŭnaŭ hetuju situacyju z toj, ź jakoj ZŠA sutyknulisia pierad teraktami 11 vieraśnia. «Za niekalki miesiacaŭ da 11 vieraśnia 2001 hoda, jak kazaŭ eks-kiraŭnik CRU Džordž Teniet, sistema «mihcieła čyrvonym». I voś, praz dvaccać hadoŭ, ja vystupaju pierad vami i kažu: sihnalnyja ahni znoŭ mihciać čyrvonym koleram».
Pa słovach kiraŭnika Nacyjanalnaj raźviedki, hałoŭnymi arhanizatarami kibierataki na amierykanskuju infrastrukturu źjaŭlajucca Rasija, Kitaj, Iran i Paŭnočnaja Kareja. Rasiju ŭ hetym śpisie Koŭts vydzieliŭ asabliva, nazvaŭšy jaje «samym ahresiŭnym zamiežnym aktoram». Rasija, śćviardžaje jon, praciahvaje «svaje namahańni pa padryvu demakratyi».
Koŭts nazvaŭ hałoŭnyja mety kibierataki z-za miažy: imi apynulisia sietki fiederalnaha ŭrada, vajskovych, miascovych orhanaŭ ułady i sietki bujnych pradpryjemstvaŭ.