Što pakaža bresckaje «Dynama» biez Maradony i troch lidaraŭ? Pytańni siamnaccataha tura čempijanatu Biełarusi pa futbole
Razam z Bukmiekierskaj kantoraj Marafon raskažam, što cikavaha moža adbycca ŭ siamnaccatym tury vyšejšaj lihi.
Minuły tur akazaŭsia samym vynikovym za ŭvieś čempijanat. Kamandy ŭ siami matčach zabili 25 miačoŭ (bolš za 3,5 u siarednim), čym krychu papsavali našyja prahnozy.
Praź pieranos matča minskaha «Dynama» druhi radok zdoleŭ zaniać «Viciebsk», jaki na horki jabłyk pabiŭ «Nioman» ź likam 5:1. My pieražyvali, ci zmoža paŭnočnaja kamanda apravicca paśla sychodu Ladesmy, ale, zdajecca, što prablem nijakich niama.
Znoŭ u centry ŭvahi bresckaje «Dynama». Jak viadoma, u paniadziełak na vačach Maradony «bieła-błakitnyja» prajhrali «Šachcioru», a ŭ čaćvier pryjšła jašče adna cikavaja navina — Brest pakidajuć kapitan Haŭryłovič i dva lidary: Mileŭski i Savicki. Viedajučy pra minułaje ŭkraina-biełarusa i viečna pierśpiektyŭnaha Savickaha, možna ź vialikaj dolaj imaviernaści adhadać pryčyny kardynalnych kadravych rašeńniaŭ. Ale pra pryčyny kłub dypłamatyčna nie raskazvaje.
Taksama varta adznačyć, što ŭ kłubaŭ źjaviłasia mahčymaść dazajavić novych hulcoŭ, što, biezumoŭna, dadaść intryh u budučyja hulni.
A ciapier da padziej nastupnaha tura.
«Nioman» — «Słuck»
- 20.07 / 18:45. Hrodna, CSK «Nioman»
- Kaeficyjenty: «Nioman» (pieramoha) — 2.33, ničyja — 3.34, «Słuck» (pieramoha) — 2.98
Historyja supraćstajańnia kamand sa Słucka i Hrodna naličvaje 11 matčaŭ. Abiedźvie pieramohi słuččakoŭ u ich byli dabytyja na poli hrodzienskaha CSK «Nioman». Apošniaja adbyłasia 3 hady tamu, bolš «Słuck» u hrodziencaŭ nie pieramahaŭ.
U apošnim tury kamandy sinchronna sastupili, a «Nioman» dyk jašče i razhromna. Matyvacyja ŭ chłopcaŭ Kavaleviča musić być što treba. Ale tak prosta «Słuck» pieramohu nie addaść.
Prahnoz «NN»: «Nioman» nie sastupić.
BATE — «Minsk»
- 20.07 / 20:45. Barysaŭ-Arena
- Kaeficyjenty: BATE (pieramoha) — 1.30, ničyja — 5.00, «Minsk» (pieramoha) — 10.50
U papiarednim tury BATE mieŭ peŭnyja ciažkaści ŭ hulni sa «Smalavičami». Na pierapynak kamandy sychodzili ź likam 2:2, ale ŭ treci raz zraŭniać lik anderdohi tak i nie zdoleli.
«Minsk» ža zdabyŭ valavuju pieramohu na «Pramieniem» i padniaŭsia na dziasiaty radok. Ale rassłablacca času niama, bo ščylnaść u nižejšaj častcy tablicy i tak vysokaja, a pry imaviernaj parazie ad BATE moža stać i jašče horš.
Prahnoz «NN»: pieramoha BATE.
«Pramień» — «Dynama-Brest»
- 21.07 / 14:00. Minsk, SAK «Alimpijski»
- Kaeficyjenty: «Pramień» (pieramoha) — 11.00, ničyja — 5.15, «Dynama-Brest» (pieramoha) — 1.28
Bieraściejcy paśla chatniaha fijaska i biez troch lidaraŭ jeduć u hości da apošniaj kamandy čempijanatu. Adsutnaść Haŭryłoviča, Savickaha i Mileŭskaha nie pavinna asabliva adbicca na hulni kamandy, tym bolš u składzie bieraściejcaŭ chapaje kvalifikavanych hulcoŭ, ale cikava, jak budzie vyhladać novaje «Dynama».
Prahnoz «NN»: pieramoha «Dynama».
«Homiel» — «Dniapro»
- 21.07 / 16:30. Homiel, stadyjon «Centralny»
- Kaeficyjenty: «Homiel» (pieramoha) — 2.10, ničyja — 3.20, «Dniapro» (pieramoha) — 3.64
«Dniapro» ŭsio hłybiej i hłybiej zaciahvaje na dno. Apošniuju pieramohu mahiloŭcy zdabyli na pačatku krasavika jakraz u hulni z «Homielem», paśla čaho ich hulnia nahadvaje strašny son.
U «Homiela» spravy nie našmat lepšyja, ale pieramoha ŭ Słucku dazvoliła pierad vočnym dvubojem być vyšejšymi za «Dniapro».
Prahnoz «NN»: totał mienšy za 2,5.
«Haradzieja» — «Tarpieda-Minsk»
- 21.07 / 18:30. stadyjon «Haradzieja»
- Kaeficyjenty: «Haradzieja» (pieramoha) — 2.01, ničyja — 3.25, «Tarpieda-Minsk» (pieramoha) — 3.86
Druhi kruh «cukrovyja» pačali z doŭhačakanaj pieramohi nad harotnikami z Mahilova, a «Tarpieda» dziakujučy hołu Paŭła Klańnio vyrvała ničyju z «Isłačču». Ale naprykancy toj hulni sudździa pamyłkova admianiŭ hoł u bramu «aŭtazavodcaŭ».
Andrej Varankoŭ, što niekali zabivaŭ De Chiea i supraćstajaŭ francuzam u sakołcy nacyjanalnaj zbornaj, akazaŭsia niepatrebnym «Haradziei» i pakinuŭ kamandu. Zatoje suprać «Tarpieda» zmohuć debiutavać ažno troje navičkoŭ.
Prahnoz «NN»: pieramoha «Haradziei».
«Isłač» — «Dynama-Minsk»
- 22.07 / 16:30. stadyjon FK «Minsk»
- Kaeficyjenty: «Isłač» (pieramoha) — 8.20, ničyja — 4.00, «Dynama-Minsk» (pieramoha) — 1.44
Minuły tur minčanie prapuskali, bo skarystalisia pravam ab pieranosie svajho matča praz udzieł u jeŭrakubkach. A ŭ hetym tury nie zhulajuć «Šachcior» i «Viciebsk», tamu ŭ chłopcaŭ Siarhieja Hurenki jość niebłahi šaniec viarnucca na druhi radok.
Amałažeńnie pakul nie dało plonu «Isłačy», ale ž heta tolki pačatak. Mo prablema vyznačycca jašče ŭ čymści inšym, tamu my budziem pilna sačyć za trenierskimi rašeńniami ŭ kamandzie ź Minskaha rajona.
Prahnoz «NN»: pieramoha «Dynama».
«Smalavičy» — «Tarpieda-BiełAZ»
- 23.07 / 19:00. Barysaŭ, stadyjon «Haradski»
- Kaeficyjenty: «Smalavičy» (pieramoha) — 4.00, ničyja — 3.58, «Tarpieda-BiełAZ» (pieramoha) — 1.87
«Smalavičy» praciahvajuć turne pa Minskaj vobłaści. Na hety raz u jakaści chatniaj areny budzie zadziejničany «Haradski» stadyjon u Barysavie, dzie BATE niekali zdabyvała pieršyja pieramohi ŭ čempijanacie i jeŭrakubkach.
Ci dapamoža heta kamandzie Alaksandra Brazieviča — pytańniečka.
Žodzincy znachodziacca ŭ pošukach forvarda i padpisali rasijanina Alaksandra Sałuhina, jaki ŭ 16 hadoŭ stanaviŭsia ŭładalnikam Kubka UEFA i ličyŭsia vielmi pierśpiektyŭnym. Ci dapamoža dośvied u rasijskich kamandach siaredniaj ruki, pahladzim užo ŭ nastupny paniadziełak.
Prahnoz «NN»: pieramoha «Tarpieda».
Čempijanat śvietu skončyŭsia, a rodnaja vyšejšaja liha zastajecca z taboj! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!
Kamientary