U frazie «Naniasicie krychu parfumy» klučavoje słova — «krychu»! Parady śpiecyjalista

Toje, jak ad čałavieka pachnie, našmat bolš važna za toje, u što čałaviek apranuty, ličyć Śviatłana.

Pavialičyć

I sapraŭdy, navat u zvyčajnaj kašuli i džynsach čałaviek padasca niejmaviernym, kali ad jaho pryjemna pachnie, i hetak ža lohka adšturchnie ad siabie, kali ad jaho pachnie niepryjemna, chacia apranuty jon u zvyšdarahoje i ŭračystaje adzieńnie.

Uletku asablivuju ŭvahu nieabchodna nadavać nie tolki hihijenie, ale i tamu, jak vy nanosicie na siabie pach.

Parfumiery nie dzielać pachi na letnija i zimovyja. Ale my intuityŭna abirajem na leta lohkija tkaniny, lohkija stravy, tamu i parfuma pavinna być lohkaj.

Ciažkija, uschodnija, sałodkija, hłybokija pachi lepš pakidać na vosień-zimu, a viasnoj i letam karystacca pachami fruktovymi, kvietkavymi, śviežymi, cytrusavymi.

Pavialičyć

Francuzy kažuć, što ad žančyny pavinna pachnuć śviežaściu, čyścinioj i krychu duchami. Klučavoje słova ŭ hetym skazie — krychu.

Letam skura bolš razharačanaja, na takoj skury pachi raskryvajucca bolš chutka, sakavita, jarka. Treba pamiatać heta, i kab nie dušyć ludziej, jakija vas akružajuć, svaimi duchami.

I pravilna budzie duchi, parfumavanuju vadu pakinuć u spakoi da vosieni. A na leta dastać tualetnuju vadu, łaśjon ci parfumavany hiel dla duša.

Body Mist — toje, što treba na leta

Apošnim časam papularnaść nabirajuć tak zvanyja «bodzi misty» — dymka, velum, — srodak pa dohladzie skury tvaru i cieła z parfumavanym efiektam.

Pavialičyć

Takaja dymka nie tolki achutvaje cieła pachučym vodaram, ale i dahladaje skuru, dziakujučy čamu całkam moža kankuravać z tradycyjnym małačkom dla cieła i inšymi kaśmietyčnymi srodkami.

Dymka dla cieła adroźnivajecca vielmi lohkaj teksturaj, jakaja dazvalaje hetamu kaśmietyčnamu srodku chutka ŭbiracca ŭ skuru, nie zakarkoŭvajučy pory i nie stvarajučy adčuvańnia ciažaru. Jana ŭvilhatniaje, źmiakčaje, aśviažaje, tamu śmieła moža być zaličanaja ŭ šerah karysnych i praktyčnych kaśmietyčnych srodkaŭ.

Nie budziem zabyvać i pra inšuju rolu Body Mist — aramatyzujučuju. Dymka ahornie vaša cieła lohkim velumam pryjemnaha pachu, pryčym jaje možna vykarystoŭvać jak samastojny parfumny srodak.

Jašče važna źviarnuć uvahu na toje, u jakoj kolkaści vy nanosicie pach. Ličycca, što ŭ chałodnaje nadvorje pach treba adnaŭlać raz na try hadziny, u haračyniu radziej. Ale nie treba z ranicy nanosić na siabie stolki parfumy, kab chapiła na ŭvieś dzień. Lepš ciaham dnia adnavić pach.

Pavialičyć

Usie viedajuć, što pach treba nanosić na haračyja kropki pulsu, ale letam vaźmicie za praviła karystacca sposabam, jaki nazyvajecca «vobłaka Afradyty».

Pach dva razy nanosicca ŭ pavietra, a zatym vy nyrajecie ŭ heta vobłaka, kropielki parfumy asiadajuć u vas na skury, na vałasach.

I jašče adna parada: pasprabujcie letam nanosić pach nie na zapiaści i klučycu, a pad kalenki, na ščykałatki. Pach budzie padymacca ŭvierch, i vy ŭvieś dzień budziecie adčuvać siabie ŭ abdymkach lubimaha vodaru.

• 0
• 0
• 0
• 0
• 0
• 0
• 0
• 0