Słužba biaśpieki Ukrainy apublikavała daśje na vykrytych «vahnieraŭcaŭ», jakija vajavali ŭ Siryi. Vyśvietliłasia, što siarod ich było 11 biełarusaŭ.
Dadzienyja najmity rasijskaj pryvatnaj vajennaj kampanii (PVK) «Vahniera» brali ŭdzieł u kanflikcie ŭ Siryi ŭ lutym 2018 hoda.
SBU apublikavała daśje na zamiežnych hramadzian, jakija brali ŭdzieł u siryjskaj vajnie, u pryvatnaści śpiecsłužba paviedamiła pra 11 hramadzian Biełarusi, 4 — Małdovy, pa 1 — z Kazachstana i Armienii.
Taksama SBU paviedamlaje, što Biełaruś nie pieradała danyja svaich «vahnieraŭcaŭ», jakija vajujuć na Danbasie.
«Śpiecsłužbam Biełarusi ŭ kancy 2017 hoda była pieradadziena infarmacyja adnosna 5 asob PVK «Vahnier». Zaraz my pieradajem u dačynieńni da 6 čałaviek. Akramia taho, biełarusam była pieradadziena infarmacyja ŭ dačynieńni da hramadzian Biełarusi, jakija ŭdzielničajuć u niezakonnych uzbrojenych farmiravańniach na terytoryi Danbasa. Jość infarmacyja, što biełaruskija ŭłady prymajuć adpaviednyja miery, ale takoha, jak prademanstravali śpiecsłužby Małdovy, z kankretnymi ličbami — ź biełaruskaha boku nie było», — skazaŭ Huśkoŭ.
