Prezident Rasii Uładzimir Pucin i amierykanski lidar Donald Tramp na samicie ŭ Chielsinki abmierkavali Kosava i ŭzhadnili svaje pazicyi pa hetym pytańni, piša Gazeta Express sa spasyłkaj na dypłamatyčnyja krynicy.
Fota: kremlin.ru.
Pavodle ich infarmacyi, prezident ZŠA taksama daŭ zhodu na padzieł častkova pryznanaj dziaržavy. Adznačajecca, što jaho administracyja ličyć pravilnym pryznańnie niezaležnaści rehijona ad Sierbii ŭ abmien na pieradaču joj častki ziamiel Kosava.
Hazieta piša, što takoje źmianieńnie ŭ pohladach u paraŭnańni z papiarednimi prezidentami (jany vystupali za nieparušnaść miežaŭ Kosava) źviazana z prychodam Džona Bołtana na pasadu daradcy prezidenta ZŠA pa nacyjanalnaj biaśpiecy. Adznačajecca, što jon viadomy antykosaŭskimi pohladami z tych časoŭ, kali byŭ amierykanskim pradstaŭnikom u AAN.
Respublika Kosava — častkova pryznanaja dziaržava na Bałkanskim paŭvostravie. Asnoŭnaje nasielnictva — ałbancy. Sierbija ličyć Aŭtanomny kraj Kosava i Mietochija, jak nazyvajecca rehijon u kanstytucyi, častkaj svajoj terytoryi.