Dva hamielčuki atrymali SMS: «Vinšujem! Vy vyjhrali Toyota Land Cruiser». Adnak, kab atrymać aŭto, treba było vykanać adnu ŭmovu. Na žal, budučyja aŭtaŭładalniki nie znajšli padvochu i zastalisia z nosam.
Machlaram pavieryli dva mužčyny — 28-hadovy rabočy zavoda i 33-hadovy administratar pryvatnaj miedustanovy. Kab stać zakonnym uładalnikam novieńkaj «Tajoty» patrabavałasia tolki zapłacić krychu hrošaj.
Adnamu z mužčyn prapanavali apłacić za dastaŭku mašyny ŭ Minsk, nibyta mienavita tam adbudziecca cyrymonija ŭznaharodžańnia.
Rabočy zavoda vyrašyŭ, što mašyna jamu niepatrebnaja i zachacieŭ uziać vyjhryš hrašyma, adnak i jamu daviałosia zapłacić — 2% ad sumy za pieravod hrošaj.
Kožny z hamielčukoŭ pieravioŭ ašukancam kala 3 000 rubloŭ na rasijski kart-rachunak.
Raspačataja kryminalnaja sprava.
