Matč BATE z «Zenitam» prademanstravaŭ, što naša kamanda pakul nia ŭ stanie hulać u Lizie čempijonaŭ z pazycyi siły. Repartaž z matču Źmitra Pankaŭca.
Nieadnarazova kazałasia: «Zenit» — kamanda nastroju. U pieršym tajmie dumałasia, što hałoŭnaje nie prapuścić u pieršuju paŭhadzinu, a paśla budzie lahčej. Byli spadziavańni, što BATE moža vykarystać taktyku blickryhu na pieršych chvilinach, jak było ź «Juventusam», ale nie atrymałasia.
Usia niebiaśpieka la varot hałkipera piciercaŭ Viačasłava Małafiejeva sychodziła paśla standartaŭ — štrafnych, vuhłavych. Užo na 13-j chvilinie Pavał Niachajčyk paśla padačy kornera ŭpuściŭ ci nia samy vyhadny momant za matč.
Ale «Zenit» taksama nia ŭražvaŭ. Nie było takoha škvału atak, jak na «Piatroŭskim».
«Zenit» nia lez na ražon, dajučy BATE mahčymaść atakavać. A voś viartacca ŭ abaronu ŭ našych siłaŭ chapała nie zaŭsiody. I na 34‑aj chvilinie atrymałasia takaja voś abrezka. Piciercy imhnienna pierajšli z abarony ŭ ataku. Chahuš nie paśpiavaŭ. Vydatny pas Zyranava na Pahrabniaka, i forvardu zbornaj Rasiei zastavałasia tolki rasstralać pustuju bramu.
Fanaty «Zenitu» likavali. Jak vyśvietliłasia, jany byli amal na kožnym sektary (i jak tolki atrymałasia praleźci?). Byli zapalenyja fajery, a taksama dymavuchi. Napeŭna, BATE atrymaje ad UEFA za heta štraf. Uvohule, varta adznačyć, što zaŭziatary «Zenitu» stvaryli dla svajoj kamandy cudoŭny fon. Čaho ŭžo chavać, niekalki tysiač haściej pierakrykvali zapoŭnieny biełarusami stadyjon.
Častka miescaŭ była nie zapoŭnienaja. Napeŭna, niekatoryja pabajalisia chaładoŭ. Što značyć, kali bilety traplajuć u ruki nie zaŭziataram, a pa raźmierkavańni na pradpryjemstvie.
Naprykancy druhoha tajmu Niachajčyk i Sasnoŭski mahli adyhryvacca, ale znoŭ nie pašancavała. Varta taksama adznačyć dosyć hrubuju hulniu piciercaŭ u pieršym tajmie, ale sudździa daŭ tolki adnu žoŭtuju kartku Piujhreńje.
U druhim tajmie mudry Advakaat abraŭ taktyku hulni ad abarony. BATE ŭpieršyniu ŭ turniry akazałasia ŭ roli kamandy, jakaja pavinna była dziejničać pieršym numaram. Čaho kryvić dušoj — nie atrymałasia.
Niebiaśpieka la bramy «Zenitu» ŭźnikła ŭsiaho paru razoŭ. Jašče było niekalki perspektyŭnych štrafnych, jakija byli biazdarna vykananyja. «Zenit» na kontratakach vyhladaŭ bolš niebiaśpiečna.
Piujhreńje ž dahulaŭsia da vydaleńnia, sfaliŭšy na Radzivonavie. Hančarenka pajšoŭ va‑bank, vypuściŭšy druhoha napadnika Mirčava, a paśla ŭvohule pierabudavaŭsia na hulniu ŭ try abaroncy, zamianiŭšy Chahuša na Sivakova. Heta taksama nie dało vynikaŭ.
Na čaćviortaj dadadzienaj arbitram chvilinie partuhalec Dańni padvoiŭ lik. Zrešty, hety hoł ničoha nie vyrašaŭ.
U dvuch astatnich matčach BATE budzie nadta ciažka zavajavać pucioŭku, chacia b u Kubak UEFA. Ale my pavinny być udziačnyja kamandzie ŭžo za toje, što majem.
***
Turnirnaje stanovišča: Juventus -- 10 (7-3), Reał - 6 (5-5), Zenit (4-4), BATE - 2 (3-7).
«Juventusس daterminova vyjšaŭ u 1/8 finału Lihi čempijonaŭ.
25 listapada hulajuć BATE - «Reał», «Zenit» - «Juventus».
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary