Uračystyja mierapryjemstvy adbyvajucca ŭ Brytanii, Francyi, Belhii, a taksama ŭ Baranavickim rajonie. U hetych mierapryjemstvach voźmie ŭdzieł praŭnuk kanclera Bismarka.
U vyniku bajavych dziejańniaŭ i nastupstvaŭ vajny zahinuli i pamierli kala 10 młn čałaviek, byli paranienyja 20 młn, jašče 10 młn pamierli ad hoładu i epidemij.
U vajnu byli uciahnutyja 38 dziaržaŭ z ahulnaj kolkaściu nasielnictva ŭ 1,5 młrd čałaviek.
Siońnia ŭ Vialikabrytanii, Francyi i Belhii pravodziacca mierapryjemstvy, pryśviečanyja 90-hodździu padpisańnia Kampjenskaha miru, paviedamlaje Euronews.
U Belhii jany pačalisia ŭ paniadziełak, pad Ipram. Tam u listapadzie 1914 h. brytanskija, francuskija i belhijskija vojski trymali abaronu ciaham vielizarnych achviar, a ŭ krasaviku 1915 h. niemcami byŭ upieršyniu ŭ historyi prymienieny nervova-paralityčny haz, jaki ciapier ŭsie nazyvajuć ipryt.
U Londanie ŭračystaja cyrymonija projdzie la memaryjału Kienataf na Uajtchole.
U Francyi ŭračystaści projduć na byłoj linii frontu la Verdenu, dzie sukupnyja straty dvuch bakoŭ skłali 300 tys. čałaviek. U hetych uračystaściach voźmie ŭdzieł Nikala Sarkazi.
Francuskija historyki ćvierdziać, zaznačaje Euronews, što francuzam nia vystajać było b u verdenskaj miasarubcy, kab nie Naračanskaja aperacyja rasiejskaj armii ŭ Biełarusi.
***
Dla Biełarusi vajna taksama mieła vielizarnyja nastupstvy.Kraj u vyniku niamieckaj akupacyi byŭ padzieleny na dźvie častki: pa linii Dźvinsk (Daŭhaŭpiłs) -- Pastavy – Smarhoń – Baranavičy -- Pinsk.
Nastup niamieckaha vojska ŭ 1915 h. pryvioŭ da prymusovaj evakuacyi 1.3 młn čałaviek, było źniščana 65% pradpryjemstvaŭ.
Vajna spryčyniłasia da padzieńnia Domu Ramanavych, Kastryčnickaj revalucyi, a potym historyja pryviała da abviaščeńnia niezaležnaśćji BNR, dy narešcie stvareńnia BSSR.
***
Uračystyja mierapryjemstvy z nahody zakančeńnia Pieršaj suśvietnaj vajny projduć siońnia ŭ Baranavickim rajonie.
Tut adbudziecca ŭračystaja impreza z udziełam amatarŭ historyi ŭ formie niamieckaj, aŭstra-vuhorskaj i rasiejskaj armij. Taksama adbudziecca cyrymonija akdryćcia Pamiatnaha kamienia ŭ pamiać usich zahinułych padčas Pieršaj suśvietnaj vajny na terytoryi Biełarusi, paviedamlaje Interfaks.
Voźmuć udzieł va ŭračystaściach praŭnuk kanclera Niamieččyny Alaksandr fon Bismark i prezydent Ruskaha klubu mastactva i kultury kniahinia Natali Halicyna.
Zaŭtra ŭ Akademii navuk - navukovaja kanferencyja.
Kamientary