Ministr finansaŭ Turcyi Bierat Ałbajrak, ziać prezidenta Redžepa Erdahana, nazvaŭ padzieńnie kursu nacyjanalnaj valuty «atakaj» i paabiacaŭ, što ŭžo ŭ paniadziełak ranicaj inviestaram budzie pradstaŭleny płan dziejańniaŭ pa vyratavańni liry.
Pra heta jon zajaviŭ u intervju haziecie Hürriyet.
«Heta vielmi vyraznaja ataka , raspačataja najbujniejšym hulcom finansavaj sistemy», — zajaviŭ Ałbajrak.
Pa słovach ministra, banki razam z uradam padrychtavali płan dziejańniaŭ u hetaj situacyi, u jaho raspracoŭcy ŭdzielničali małyja i siarednija pradpryjemstvy realnaha siektara, jakija adčuli najbolšy ŭpłyŭ vałacilnaści valuty.
Tureckaja lira patańnieła z pačatku hoda na 45%, pryčym ahienctva tłumačyć heta reakcyjaj inviestaraŭ na mnohija antyamierykanskija zajavy prezidenta Erdahana.
U piatnicu, 10 žniŭnia, tureckaja lira adčuła najbolšaje padzieńnie na praciahu dnia z 2001 hoda — kurs abrynuŭsia na 18%.
Vahańni nacyjanalnaj valuty adbyvajucca na fonie paharšeńnia amierykana-tureckich adnosin.
Tak 10 žniŭnia amierykanski prezident Donald Tramp rasparadziŭsia ŭdvaja padniać pošliny na aluminij i stal z Turcyi. U adkaz Erdahan pryhraziŭ «raźvitacca» z ZŠA i syści da novych sajuźnikaŭ.
Kamientary