BiełaPAN: Alaksandr Miendzieleŭ adchileny z pasady načalnika ŭpraŭleńnia Dziaržaŭtainspekcyi Biełarusi ledźvie nie paŭtara miesiaca tamu, adnak stała viadoma tolki ciapier.
Alaksandr Miendzieleŭ, jaki ŭznačalvaŭ hetu słužbu z pačatku 2006 hoda, adchileny ad zajmanaj pasady. Kali było pryniata takoje rašeńnie, karespandentu BiełaPAN va ŭpraŭleńni DAI paviedamić nie zmahli. Pavodle najaŭnaj infarmacyi, heta mahło adbycca ledźvie nie paŭtara miesiaca tamu, adnak stała viadoma tolki ciapier.
V.Bulbiankoŭ u 2004 — pačatku 2008 hoda ŭznačalvaŭ upraŭleńnie Dziaržaŭtainśpiekcyi HUUS Minharvykankama. Zatym staŭ namieśnikam načalnika respublikanskaj DAI.
Ab pryčynach adstaŭki A.Miendzieleva 11 listapada paviedamiŭ na staronkach «Sovietskoj Biełoruśsii» ministr unutranych spraŭ Uładzimir Navumaŭ.
«Arhanizacyja aśviety na ŭsich uzroŭniach — zadača, ź jakoj nie spraviłasia raniejšaje kiraŭnictva DAI, za što jaje načalnik i byŭ adchileny ad pasady», — skazaŭ U.Navumaŭ.
Pavodle jaho słoŭ, zachoŭvajučy kantralujučyja funkcyi, siońnia DAI pavinna vystupać jašče i arhanizataram, zajmacca rańnim papiaredžańniem avaryjnaści. «Naprykład, kali aśvieta vadzicielaŭ jašče bolš‑mienš viadziecca, to piešachody praviłaŭ amal nie viedajuć i nie vykonvajuć, da svajoj biaśpieki staviacca biezadkazna, — kanstatavaŭ ministr unutranych spraŭ. — Viadoma, vypraŭlać hetuju situacyju varta na ŭzroŭni škoł i pradpryjemstvaŭ, ale arhanizavać takuju rabotu pavinna mienavita Dziaržaŭtainśpiekcyja». Kiraŭnik MUS upeŭnieny, što «vyskakvać z žezłam napierarez vadzicielu, jaki pieravysiŭ chutkaść, — sprava ŭčarašniaha dnia, siońnia bolš važna zrabić tak, kab u vadziciela navat nie ŭźnikła namieru pieravysić chutkaść».
Ministr taksama paviedamiŭ, što novaja kandydatura na pasadu kiraŭnika ŭpraŭleńnia DAI MUS jašče nie razhladałasia.
Ciapier čytajuć
Što Babaryka i Kaleśnikava adkazali na pytańni pra vajnu37
Kamientary