Alaksandr Łukašenka žorstka raskrytykavaŭ jakaść raboty miascovych orhanaŭ ułady i kiraŭnictva pramysłovaj haliny pa raźvićci Aršanskaha instrumientalnaha zavoda. Adpaviednuju zajavu kiraŭnik dziaržavy zrabiŭ siońnia, naviedvajučy heta pradpryjemstva, piša BiełTA.
Toje, što pastaŭlenyja zadačy nie vykonvajucca naležnym čynam, kiraŭnik krainy ŭbačyŭ, jašče tolki padjazdžajučy da zavoda. Jon źviarnuŭ uvahu, što navat sproby navieści paradak na terytoryi nie prynieśli naležnaha vyniku. Usio było zroblena śpiecham i niajakasna.
«Vy nie lubicie ludziej, nie lubicie vy zavod. Kali ŭžo robicie tut niejkuju pakazuchu, zrabicie bardziur, ale navošta ŭ travu kłaści asfalt. Heta što, kultura? Voś za heta čynoŭnikaŭ i nienavidzić časam narod — za vašy biestałkovaść i biazładździe», — skazaŭ kiraŭnik dziaržavy.
U hetym ža klučy razmova išła i paśla naviedvańnia pradpryjemstva. Łukašenka zastaŭsia vielmi niezadavoleny ŭbačanym.
«Chutčej za ŭsio, ministra (ministra pramysłovaści Vitala Vaŭka) siudy nakirujem da ciabie pracavać. U jaho dva šlachi, abo ŭ turmu, abo siudy — publična pra heta kažu.
Pakul dvojka ź minusam i da ciabie pretenzij mora. Nikoli nie zajmajsia ašukanstvam. Ty — małady kiraŭnik. Ty tut hałoŭny. Nie daj boh, ja pierad novym hodam pryjedu, i majo voka ŭčepicca dzieści za niešta. Ty viedaješ, što budzie», — papiaredziŭ kiraŭnik krainy, źviartajučysia da dyrektara zavoda Uładzisłava Bardziukova.
***
U efiry telekanała «Biełaruś-1» prahučała fraza Alaksandra Łukašenki, nakiravanaja da ministra Vaŭka: «Z zaŭtrašniaha dnia siudy [u Oršu — «NN»]. Na jakuju pasadu, vyznačym».
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary