Niedziaržaŭnaja rehijanalnaja hazeta «Borisovskije novosti» 11 listapada atrymała papiaredžańnie ad Ministerstva infarmacyi.
Niedziaržaŭnaja rehijanalnaja hazeta «Borisovskije novosti» 11 listapada atrymała papiaredžańnie ad Ministerstva infarmacyi.
Pavodle papiaredžańnia, padpisanaha 4 listapada pieršaj namieśnicaj ministra infarmacyi Lilijaj Ananič, padstavaj dla sankcyi staŭ artykuł «Bał satany, ili trieťje prišiestvije Huminskoho» (numar «BN» ad 02.10.2008 h.). Papiaredžańnie vyniesiena pa artykule 32 Zakonu «Ab druku i inšych ŚMI», jaki praduhledžvaje prava hramadzian praź ŚMI praŭdzivych źviestak.
Jak paviedamiła Mininfarmacyi, 31 kastryčnika ŭ ministerstva pastupiła skarha z Centrvybarkamu krainy, datyčnaja hetaj publikacyi. «Z nazvanaha lista vynikaje, što asobnyja źviestki, pryviedzienyja ŭ publikacyi, źjaŭlajucca niedakładnymi», — piša Ł. Ananič.
U sprečnaj publikacyi, pryśviečanaj vynikam parlamenckich vybaraŭ u Barysaŭskaj vybarčaj akruzie № 62, raskazvałasia pra vierahodnyja parušeńni na vybarčych učastkach.
Naprykancy kastryčnika redaktar i zasnavalnik hazety «Borisovskije novosti» Anatol Bukas — były kandydat u deputaty pałaty pradstaŭnikoŭ čaćviortaha sklikańnia — pa zapatrabavańni Mininfarmacyi ŭžo musiŭ pisać tłumačeńnie pa źmieście hetaha artykuła.
Kamientary