Amerykanski hramadzianin Emanuił Zelcer budzie adbyvać pakarańnie ŭ mahiloŭskaj kalonii ahulnaha režymu, a jahonuju sakratarku Ŭładlenu Funk adpraviać u žanočuju kaloniju ŭ Homieli.
Pra heta «Svabodzie» paviedamiŭ advakat Źmicier Haračka, jaki abaraniaje asudžanych.
«Emanuiła Zelcera adpravili pa etapie ŭviečary 11 listapada, Uładlenu Funk vypraviać u subotu, 15‑ha. Bajusia, jak Emanuił Zelcer pieražyvie etap, bo jahony stan zdaroŭja vielmi drenny, a luby etap — ciažkaje vyprabavańnie», — skazaŭ Źmicier Haračka.
Nahadajem, Emanuił Zelcer byŭ asudžany Mienskim haradzkim sudom da 3 hadoŭ źniavoleńnia pavodle abvinavačańnia ŭ kamercyjnym špijanažy, ale nikoli nie pryznavaŭ siabie vinavatym. Hetaksama jak i U.Funk (Bruskova), jakuju asudzili na hod źniavoleńnia.
Urad ZŠA nieadnarazova chadajničaŭ ab vyzvaleńni E.Zelcera i U.Funk dziela mierkavańniaŭ humannaści, ale aboje zastajucca za kratami.
U ZŠA svajaki E.Zelcera miarkujuć, što da jahonaha aryštu pryčyniŭsia rasiejski aliharch‑uciakač Barys Bierazoŭski, jaki hetyja abvinavačańni rašuča abviarhaje.
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary