Apieratar Velcom abviaściŭ ab pavyšeńni taryfaŭ z 1 vieraśnia. Nahadajem, raniej ab pavyšeńni taryfaŭ paviedamiŭ MTS.
Pamier abanienckich płat, adnačasovych uznosaŭ, a taksama košt vychodnych vyklikaŭ na numary biełaruskich abanientaŭ, mižnarodnych zvankoŭ, mabilnaha internetu, SMS, MMS, śpiecyjalnych i dadatkovych pasłuh dla fizičnych i jurydyčnych asob pavialičacca nie bolš čym na 2,9%.
Pry hetym bieź źmienaŭ zastanucca:
- košt taryfnych płanaŭ fiksavanaj suviazi;
- abanienckaja płata taryfnaha płana lemon;
- pamier płaty za aktyvacyju bonusaŭ taryfnych płanaŭ «Turyst», «Suviaź biez abaviazacielstvaŭ»;
- taryfy na pasłuhi roŭminhu, košt pakietaŭ i taryfnych płanaŭ, jakija ŭklučajuć chviliny, SMS, internet-trafik dla vykarystańnia ŭ roŭminhu;
- košt dadatkovych pasłuh.
Pamiery štomiesiačnych płaciažoŭ pa rasterminoŭcy za abstalavańnie ŭ ramkach raniej zaklučanych damovaŭ taksama nie źmieniacca.
Adnačasova patańnieje košt mabilnaha internetu dla bolšaści taryfnych płanaŭ liniejki PRIVET. Tak, košt 1 MB u ramkach niekatorych taryfnych płanaŭ źnizicca bolš čym u 13 razoŭ.
Akramia taho, z 1 vieraśnia ŭsim abanientam taryfnych płanaŭ «Piensijny» i «Sacyjalny» štomiesiac budzie naličvacca 100 MB internet-trafiku.
