Siarhiej Laškievič viny nie pryznaŭ

Biełaruski aktyvist z małoj radzimy Milinkieviča asudžany na 5 miesiacaŭ za padrychtoŭku revalucyi, ale moža być vypuščany ŭmoŭna-daterminova prosta ciapier.

Aktyvist nacyjanalnaha ruchu z Ščučyna Siarhiej Laškievič asudžany pavodle č.3 art.293 Kryminalnaha kodeksu RB («Navučańnie albo inšaja padrychtoŭka asobaŭ da ŭdziełu ŭ masavych biespardkach, a taksama finansavańnie albo inšaje materyjalnaje zabieśpiačeńnie takich dziejańniaŭ»). Prakuror patrabavaŭ dla byłoha siabry inicyjatyŭnaj hrupy Milinkieviča 6 miesiacaŭ źniavoleńnia. Sudździa pryznaŭ vinu dakazanaj i daŭ piać.

Pavialičyć

Alaksandar Milinkievič z maci Siarhieja Laškieviča.

Sud nad Siarhiejem Laškievičam byŭ adkryty, i pieršaje pasiedžańnie 25 traŭnia adbyvałasia ŭ prysutnaści vialikaj kolkaści paplečnikaŭ i siabroŭ Siarhieja. Padtrymać svajho ziemlaka pryjechaŭ i Alaksandar Milinkievič, jaki nazvaŭ praces zamoŭlenym i palityčnym.

Śviedka Valer Škurko nibyta prysutničaŭ pry razmovie, u časie jakoj Burdzieja schilali da ŭdziełu ŭ masavych akcyjach.

Treci śviedka, niechta Navahran, na sud nie źjaviŭsia, matyvujučy heta stracham fizyčnaj raspravy. Ankietnyja źviestki Navahrana byli źmienienyja ŭ metach jahonaj biaśpieki. Jaho śviedčańni, zroblenyja padčas śledčych mierapryjemstvaŭ, začytali ŭ sudzie. Ź ich vynikaje, što Siarhiej Laškievič i jaho paplečniki viali antydziaržaŭnuju dziejnaść i jašče ŭ listapadzie minułaha hodu schilali jaho da ŭdziełu ŭ masavych akcyjach.

Arhumenty, prapanavanyja advakatami Siarhieja Laškieviča, sud nie ŭličyŭ.

«Siarhiej Laškievič trymajecca dobra, navat pa-filazofsku», – zaŭvažyŭ jahony advakat Andrej Ščapiatkoŭ. Viny nie pryznaŭ i ŭ zaklučnym słovie paprasiŭ sud vynieści spraviadlivaje rašeńnie.

Pavodle słovaŭ advakata, zhodna z zakanadaŭstvam Siarhiej maje prava na ŭmoŭna-daterminovaje vyzvaleńnie pa adbyćci pałovy terminu źniavoleńnia: «Usio zaležyć ad jaho samoha: ci zachoča jon abskardžvać rašeńnie sudu, ci nie. Pałovu ž terminu jon užo adbyŭ i maje šancy być vyzvalenym užo ciapier».

Siamion Piečanko

Fota Julii Daraškievič

❏

Staś Pačobut

vaša ŭłada — naša kamieńnie

vašy hrošy — naša sumleńnie

vaša zdrada — naša luboŭ

vaša ščaście — naša kroŭ

vaš televizar — našy ulotki

vašy turmy — naša vola

vašy kuli — naša dola

vaš priezydent — naš narod

i vašy seksoty — u naš karahod

vaš televizar — našy ulotki

vašy prahnozy — naša nadzieja

vašy zanozy — u našym ciele

vaš son — našy Kurapaty

i vašy łakiei šukajuć łapaty

© deviation

• 0
• 0
• 0
• 0
• 0
• 0
• 0
• 0