1 vieraśnia pa ŭsioj krainie prajšli śviatočnyja liniejki. Niekatoryja škoły sustrakali nie tolki vučniaŭ i baćkoŭ, ale i vysokapastaŭlenych asob.
Kiraŭnik krainy Alaksandr Łukašenka naviedaŭ uračystaść u Aleksandryjskaj siaredniaj škole Škłoŭskaha rajona, dzie sam kaliści vučyŭsia, i padaryŭ kompleks spartyŭnych trenažoraŭ.
![](http://nashaniva.com/img/w732d4webp1/photos/z_2018_09/lin-166hw.jpg.webp)
Premjer-ministr Siarhiej Rumas naviedaŭ svaju rodnuju škołu — SŠ №2 Turava. U jakaści padarunka jon pieradaŭ multymiedyjnuju interaktyŭnuju došku i spartyŭny invientar.
![](http://nashaniva.com/img/w732d4webp1/photos/z_2018_09/000023_49f543c68412ca76432582fb003ac5a1_352152-yhpsn.jpg.webp)
Staršynia Praŭleńnia Nacyjanalnaha banka Biełarusi Pavieł Kałaŭr Dzień viedaŭ pravioŭ na svajoj małoj radzimie ŭ ahraharadku Biełavuša Stolinskaha rajona Bresckaj vobłaści. Jon padaryŭ rodnaj škole ŭnikalnaje faksimilnaje vydańnie «Knižnaja spadčyna Francyska Skaryny», vypuščanaje letaś i pryśviečanaje 500-hodździu biełaruskaha knihadrukavańnia.
![](http://nashaniva.com/img/w732d4webp1/photos/z_2018_09/4-m3z4c.jpg.webp)
Staršynia Pałaty pradstaŭnikoŭ Nacyjanalnaha schodu Respubliki Biełaruś Uładzimir Andrejčanka vitaŭ vučniaŭ Biahomlskaj siaredniaj škoły Dokšyckaha rajona. Śpikier parłamienta prezientavaŭ siertyfikat na nabyćcio ultrasučasnaj interaktyŭnaj sensarnaj sistemy.
![](http://nashaniva.com/img/w732d4webp1/photos/z_2018_09/c6f060bc6a61a548b4eacd3a9dfef01c-3rad8.jpg.webp)
Ctaršynia Savieta Respubliki Michaił Miaśnikovič zavitaŭ na liniejku ŭ himnaziju №3 Mahilova i pieradaŭ ustanovie interaktyŭnuju došku.
![](http://nashaniva.com/img/w732d4webp1/photos/z_2018_09/000023_48b9708ad1325c27432582fb002de7c7_599406-mmqiu.jpg.webp)
Kiraŭnik Administracyi prezidenta Natalla Kačanava 1 vieraśnia naviedała połackuju himnaziju №1 imia Francyska Skaryny. Heta nie tolki jaje rodnaja škoła, tut taksama vučylisia jaje braty i dzieci. Himnazija ŭ padarunak ad Kačanavaj atrymała interaktyŭnuju panel, a ad staršyni Połackaha rajvykankama Mikałaja Šaŭčuka — siertyfikat na nabyćcio kampjutarnaha kłasa.
![](http://nashaniva.com/img/w732d4webp1/photos/z_2018_09/000023_1535803819_316170_big-v5oaz.jpg.webp)
Ministr unutranych spraŭ Ihar Šunievič udzielničaŭ va ŭračystaści z nahody Dnia viedaŭ u Śpiecyjalizavanym licei MUS.
![](http://nashaniva.com/img/w732d4webp1/photos/z_2018_09/p1480413-ccuir.jpg.webp)
Staršynia Śledčaha kamiteta Ivan Naskievič uručyŭ siertyfikat na spartyŭny invientar i 15 kamplektaŭ formy dla hulniavych vidaŭ sportu rodnaj škole ŭ Ciarebličach Bresckaj vobłaści.
![](http://nashaniva.com/img/w732d4webp1/photos/z_2018_09/000023_20489e0c60de4cbb432582fb00472af5_915701-hrh09.jpg.webp)
Pieršy namieśnik premjer-ministra Alaksandr Turčyn pryjechaŭ u rodnuju škołu ŭ Navahrudak — SŠ №4. Ad Urada krainy jon pieradaŭ siertyfikat na 10 tysiač rubloŭ. Akramia taho, staršynia Navahrudskaha rajvykankama Anatol Markievič prezientavaŭ kampjutarny kłas.
![](http://nashaniva.com/img/w732d4webp1/photos/z_2018_09/bdad218bea3367f73b41ae17b07c1656-gbode.jpg.webp)
Namieśnik premjer-ministra Biełarusi Ihar Lašenka vitaŭ studentaŭ Homielskaha dziaržaŭnaha ŭniviersiteta — kaliści jon tut skončyŭ ekanamičny fakultet. U jakaści padarunka Ihar Lašenka ŭručyŭ rektaru HDU Siarhieju Chachomavu siertyfikat na interaktyŭnuju došku.
![](http://nashaniva.com/img/w732d4webp1/photos/z_2018_09/2fd8f0cd480d13d010e1b8b2d314e1ea-14znm.jpg.webp)
Namieśnik premjer-ministra Ihar Pietryšenka pryjechaŭ na liniejku ŭ rodnuju Vietkaŭskuju siaredniuju škołu №1 imia Andreja Hramyki. U padarunak ustanova atrymała kampjutarny kłas, faksimile «Knižnaja spadčyna Francyska Skaryny» i spartyŭny invientar dla valejboła.
![](http://nashaniva.com/img/w732d4webp1/photos/z_2018_09/eb981f2e28822348788c80bd27266467-j3umf.jpg.webp)
Pieršy namieśnik kiraŭnika Administracyi prezidenta, staršynia BFB Maksim Ryžankoŭ pavinšavaŭ z pačatkam novaha navučalnaha hoda školnikaŭ himnazii №36, vypusknikom jakoj jon źjaŭlajecca. Taksama jon uziaŭ udzieł u adkryćci abnoŭlenaj spartyŭnaj zały i pieradaŭ miačy i kamplekty hulniavoj ekipiroŭki.
![](http://nashaniva.com/img/w732d4webp1/photos/z_2018_09/000023_8303f04233ed648d432582fb003360d5_214525-i3lpt.jpg.webp)
Kamientary