1 vieraśnia pa ŭsioj krainie prajšli śviatočnyja liniejki. Niekatoryja škoły sustrakali nie tolki vučniaŭ i baćkoŭ, ale i vysokapastaŭlenych asob.
Kiraŭnik krainy Alaksandr Łukašenka naviedaŭ uračystaść u Aleksandryjskaj siaredniaj škole Škłoŭskaha rajona, dzie sam kaliści vučyŭsia, i padaryŭ kompleks spartyŭnych trenažoraŭ.
Premjer-ministr Siarhiej Rumas naviedaŭ svaju rodnuju škołu — SŠ №2 Turava. U jakaści padarunka jon pieradaŭ multymiedyjnuju interaktyŭnuju došku i spartyŭny invientar.
Staršynia Praŭleńnia Nacyjanalnaha banka Biełarusi Pavieł Kałaŭr Dzień viedaŭ pravioŭ na svajoj małoj radzimie ŭ ahraharadku Biełavuša Stolinskaha rajona Bresckaj vobłaści. Jon padaryŭ rodnaj škole ŭnikalnaje faksimilnaje vydańnie «Knižnaja spadčyna Francyska Skaryny», vypuščanaje letaś i pryśviečanaje 500-hodździu biełaruskaha knihadrukavańnia.
Staršynia Pałaty pradstaŭnikoŭ Nacyjanalnaha schodu Respubliki Biełaruś Uładzimir Andrejčanka vitaŭ vučniaŭ Biahomlskaj siaredniaj škoły Dokšyckaha rajona. Śpikier parłamienta prezientavaŭ siertyfikat na nabyćcio ultrasučasnaj interaktyŭnaj sensarnaj sistemy.
Ctaršynia Savieta Respubliki Michaił Miaśnikovič zavitaŭ na liniejku ŭ himnaziju №3 Mahilova i pieradaŭ ustanovie interaktyŭnuju došku.
Kiraŭnik Administracyi prezidenta Natalla Kačanava 1 vieraśnia naviedała połackuju himnaziju №1 imia Francyska Skaryny. Heta nie tolki jaje rodnaja škoła, tut taksama vučylisia jaje braty i dzieci. Himnazija ŭ padarunak ad Kačanavaj atrymała interaktyŭnuju panel, a ad staršyni Połackaha rajvykankama Mikałaja Šaŭčuka — siertyfikat na nabyćcio kampjutarnaha kłasa.
Ministr unutranych spraŭ Ihar Šunievič udzielničaŭ va ŭračystaści z nahody Dnia viedaŭ u Śpiecyjalizavanym licei MUS.
Staršynia Śledčaha kamiteta Ivan Naskievič uručyŭ siertyfikat na spartyŭny invientar i 15 kamplektaŭ formy dla hulniavych vidaŭ sportu rodnaj škole ŭ Ciarebličach Bresckaj vobłaści.
Pieršy namieśnik premjer-ministra Alaksandr Turčyn pryjechaŭ u rodnuju škołu ŭ Navahrudak — SŠ №4. Ad Urada krainy jon pieradaŭ siertyfikat na 10 tysiač rubloŭ. Akramia taho, staršynia Navahrudskaha rajvykankama Anatol Markievič prezientavaŭ kampjutarny kłas.
Namieśnik premjer-ministra Biełarusi Ihar Lašenka vitaŭ studentaŭ Homielskaha dziaržaŭnaha ŭniviersiteta — kaliści jon tut skončyŭ ekanamičny fakultet. U jakaści padarunka Ihar Lašenka ŭručyŭ rektaru HDU Siarhieju Chachomavu siertyfikat na interaktyŭnuju došku.
Namieśnik premjer-ministra Ihar Pietryšenka pryjechaŭ na liniejku ŭ rodnuju Vietkaŭskuju siaredniuju škołu №1 imia Andreja Hramyki. U padarunak ustanova atrymała kampjutarny kłas, faksimile «Knižnaja spadčyna Francyska Skaryny» i spartyŭny invientar dla valejboła.
Pieršy namieśnik kiraŭnika Administracyi prezidenta, staršynia BFB Maksim Ryžankoŭ pavinšavaŭ z pačatkam novaha navučalnaha hoda školnikaŭ himnazii №36, vypusknikom jakoj jon źjaŭlajecca. Taksama jon uziaŭ udzieł u adkryćci abnoŭlenaj spartyŭnaj zały i pieradaŭ miačy i kamplekty hulniavoj ekipiroŭki.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary