Lehiendarny arhiencinski eks-futbalist Dyjeha Maradona staŭ supracoŭnikam mieksikanskaha «Daradaa» (D2). Pra heta kłub abviaściŭ na sajcie i ŭ sacsietkach. Pasada Maradony ŭ «Daradasie» u aficyjnych kanałach kłuba nie ŭdakładniajecca.
Nahadajem, što ŭ mai stała viadoma, što Dyjeha źjaŭlajecca staršynioj praŭleńnia bresckaha «Dynama». 16 lipienia jon prylacieŭ u Brest, dzie pravioŭ dva dni.
Jak paviedamlaje mieksikanski sajt noventaminutos.mx, arhienciniec staŭ trenieram «Daradasa» i spyniŭ vykanańnie abaviazkaŭ u biełaruskim kłubie. Paviedamleńni pra toje, što Maradona stanie trenieram kamandy, źjavilisia jašče minimum u dvuch mieksikanskich ŚMI. U pryvatnaści, ESPN.
Pry hetym aŭtarytetny partał Univision Deportes paviedamiŭ, što Maradona stanie nie trenieram, a techničnym dyrektaram «Daradasa». Hetaj viersii taksama prytrymlivajucca i niekatoryja inšyja ŚMI.
Bramu «Daradasa» abaraniaje 38-hadovy Kampiestryni, jaki, pa słovach Maradony, pavinien byŭ stać hulcom bresckaha «Dynama». Taksama ŭ mieksikanskaj kamandzie pačynaŭ trenierskuju karjeru Chasep Hvardyjoła.
31 žniŭnia Dyjeha Maradona pavinšavaŭ z dniom naradžeńnia Alaksandra Łukašenku i paabiacaŭ pačać svaju dziejnaść u «Dynama» na tydni, jaki pačaŭsia 3 vieraśnia.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary