Były pałkoŭnik HRU Siarhiej Skrypal, atručany ŭ anhlijskim Sołśbiery, apošnija hady supracoŭničaŭ ź ispanskaj raźviedkaj, paviedamlaje The New York Times, spasyłajučysia na słovy byłych i ciapierašnich vysokapastaŭlenych čynoŭnikaŭ Ispanii.
Paśla sychodu ŭ adstaŭku Skrypal čytaŭ lekcyi dla špijonaŭ u Čechii i Estonii, a taksama prajaŭlaŭ aktyŭnaść u Ispanii. U pryvatnaści, jon pravioŭ niekalki sustreč z supracoŭnikami Nacyjanalnaha raźviedvalnaha centra (CNI) Ispanii, adnak źmiest hetych sustreč nie vydajecca.
«Jon praciahvaŭ pryjazdžać u Ispaniju, — raspavioŭ sa spasyłkaj na ispanskich raźviedčykaŭ žurnalist i piśmieńnik Fiernanda Rueda, jaki pisaŭ pra rabotu ŭładaŭ Ispanii. Vizity Skrypala paćvierdziŭ ispanski čynoŭnik, nie raskryvajučy detalaŭ. Pry hetym byłyja aficyjnyja asoby kažuć, što Skrypal dapamahaŭ zmahacca z rasijskaj arhanizavanaj złačynnaściu, što, jak miarkujecca, była źviazana z uładami RF.
Ułady Ispanii sutyknulisia z «vialikaj prablemaj» z-za rasijskich złačyncaŭ, bo nie viedali, jak jany dziejničajuć, raspavioŭ były vysokapastaŭleny palicejski. Siarhiej Skrypal, jak i Alaksandr Litvinienka, «dali bolš dakładnaje ŭjaŭleńnie pra realnaść».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary