U ZŠA va ŭzroście 82 hadoŭ pamior akcior Biert Rejnalds. Pavodle paviedamleńniaŭ, jon pamior u špitali ŭ Fłarydzie paśla pieraniesienaha infarktu. U momant śmierci akciora pobač ź im znachodziŭsia jahony syn Kvintan, piša Bi-bi-si.
Arnold Švarceniehier napisaŭ u tvitary, što Rejnalds zaŭsiody byŭ adnym ź jaho kumiraŭ.
U 2010 hodzie Rejnaldsu zrabili apieracyju na sercy — karanarnaje šuntavańnie.
Rejnalds atrymaŭ šyrokuju viadomaść u 1972 hodzie, źniaŭšysia ŭ filmie «Zbavieńnie» Džona Burmiena. Za svaju rolu jon byŭ naminavany na «Oskara» adrazu ŭ troch katehoryjach i staŭ halivudskim seks-simvałam.
«Zbavieńnie» — film pra čatyroch pryjacielaŭ, jakija adpravilisia ŭ padarožža na kanoe ŭ štacie Džordžyja, padčas jakoha na ich napadaje miascovy mańjak.
Pik karjery pryjšoŭsia na film «Palicejski i bandyt» 1977 hoda. U tym hodzie bolš kasavych zboraŭ prynieśli tolki «Zornyja vojny».
Ale da 1980-ha Rejnaldsu stała ŭsio ciažej atrymlivać novyja roli. Jaho finansy mocna paciarpieli z-za nierazumnych inviestycyj u restarany i fłarydskuju kamandu amierykanskaha futboła.
U 1997 hodzie Rejnalds viarnuŭsia na ekrany, źniaŭšysia ŭ roli režysiora pornafilmaŭ u «Načach ŭ styli buhi».
U 2014-m Biertu pryjšłosia pradać mnohija z svaich uznaharod, u tym liku «Załaty hłobus», jaki jon atrymaŭ za rolu ŭ «Načach u styli buhi».
Ale na pytańnie žurnalista Vanity Fair, što b jon zrabiŭ u minułym pa-inšamu, akcior adkazaŭ: «traciŭ by bolš hrošaj i bolš by zabaŭlaŭsia»
Rejnalds viadomy tym, što admaŭlaŭsia ad znakamitych rolaŭ — ad Džejmsa Bonda da Chana Soła.
Jon taksama admoviŭsia ad roli Edvarda Ljuisa ŭ filmie «Krasunia» 1990 hoda, jakuju vykanaŭ Ryčard Hir.
«Maja karjera padobna nie da narmalnaj kardyjahramy, a, chutčej, da infarktnaj», — pažartavaŭ Rejnalds ŭ 2001 hodzie ŭ intervju Asašyejted pres. «Ja źniaŭsia bolš čym u sotni filmaŭ, i ja adziny akcior, ź jakim pierastali pracavać usie try asnoŭnyja telekampanii. Ja — prykład doŭhažycharstva».
Až da samaj śmierci Biert Rejnalds zdymaŭsia ŭ filmie Kviencina Tarancina «Adnojčy ŭ Halivudzie» pra žyćcio Čarlza Mensana.
Karcina vyjdzie ŭ prakat u 2019 hodzie. Rejnalds hraje rolu Džordža Spana, kalifarnijskaha haspadara ranča, jaki dazvoliŭ členam siekty, jakoj kiravaŭ Čarlz Mensan, žyć na svajoj ziamli.
-
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
-
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć
-
U minskim muziei pravodziać ramantyčnyja spatkańni. Na ich sapraŭdny ažyjataž — da śniežnia niama miescaŭ
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary