Staršynia Śledčaha kamiteta Biełarusi Ivan Naskievič u prajekcie «Razmovy ŭ prezidenta» na telekanale «Biełaruś 1» prakamientavaŭ hučnuju «spravu Koržyča». U čaćvier jon dakładaŭ pra jaje kiraŭniku dziaržavy. Jak viadoma, u Minsku prachodzić sud, abvinavačvajucca try siaržanty». Hramadstva ŭzrušana: čamu ŭ sudzie asnoŭnyja pretenzii adrasavanyja siaržantam i čamu niama aficeraŭ?» — spytaŭ žurnalist, paviedamlaje Jeŭraradyjo.
Voś što skazaŭ Ivan Naskievič: «U jakaści abvinavačanych pa dadzienaj kryminalnaj spravie pryciahnutyja try małodšyja kamandziry, try siaržanty hetaj roty, jakim vystaŭlenyja abvinavačańni ŭ pieravyšeńni ŭłady, što paciahnuła ciažkija nastupstvy. A mienavita: daviadzieńnie da samahubstva radavoha Koržyča.
Mušu skazać, što ŭ ramkach rasśledavańnia hetaj kryminalnaj spravy raspačata 10 kryminalnych spraŭ u dačynieńni da 13 asob, jakija tyčacca niestatutnych uzajemaadnosin u hetaj vajskovaj častcy. Vosiem spraŭ užo nakiravany ŭ sud, jašče dźvie znachodziacca na zaviaršalnaj stadyi.
Što tyčycca ŭzroŭniu adkaznaści. U kryminalnaj pravie ŭ nas zamacavany pryncyp piersanalnaj adkaznaści. Heta značyć, što z punktu hledžańnia śledstva abvinavačańnie vystaŭlenaje mienavita tym fihurantam, jakija, na našu dumku, vinavatyja ŭ tym, što sałdat źvioŭ rachunki z žyćciom. Zrazumieła, što možna havaryć pra apasrodkavanuju vinu. U hetaj suviazi nadychodziać i inšyja vidy adkaznaści. U pryvatnaści, kamandzir častki zvolnieny, kamandzir roty taksama pryciahvajecca da kryminalnaj adkaznaści, za tyja złačynstvy, jakija inkryminujucca jamu. Taksama pryciahvajecca da kryminalnaj adkaznaści i praparščyk, staršyna hetaj roty, znoŭ ža jamu inkryminujecca mienavita toje, u čym jon vinavaty.
Ja ŭpeŭnieny, što śledčaj hrupaj zroblena ŭsio, što mahčyma było ŭ dadzienaj situacyi. Na adras Ministerstva abarony ŭniesienyja adpaviednyja akty reahavańnia. Ja spadziajusia, što pryniatyja adpaviednyja žorstkija miery. I chaciełasia b vieryć, što padobnyja rečy paŭtaracca ŭ budučyni nie buduć».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary