U rasparadžeńni «Našaj Nivy» akazaŭsia dakumient, jaki pryjšoŭ ź Ministerstva sielskaj haspadarki staršyniam Minharvykankama i abłvykankamaŭ.
U im patrabujecca «zabiaśpiečyć finansavyja srodki na pomnik karovie zhodna z zahadam kiraŭnika krainy».
Havorka idzie pra sumu 275 tysiač rubloŭ, što pa kursie trochi mieniej za $130 tysiač.
Abłvykankamy musiać sabrać hrošy ŭ vyznačanych dolach. Pa zaviadzioncy padobnyja zahady spuskajucca nižej, u tym liku ŭ pryvatnyja firmy.
Ale što ž heta za pomnik?
Havorka idzie pra pomnik karovie, jaki maje źjavicca kala Kamaroŭskaha rynka ŭ Minsku. Jon budzie zrobleny z bronzy. Skulptar — Mikałaj Bajračny.
Abhruntavanaść sumy «Našaj Nivie» ŭ Ministerstvie sielskaj haspadarki patłumačyć nie zdoleli, skazaŭšy, što zajmajucca tolki spahnańniem srodkaŭ.
Čynoŭniki Minharvykankama na zapyt «NN» pakul nie adkazali.
