Ciapier jamu pahražaje da 10 hadoŭ pazbaŭleńnia voli, paviedamlaje pres-słužba UUS Minabłvykankama.
U lipieni ŭ milicyju pastupiła paviedamleńnie ź Minskaj abłasnoj dziciačaj kliničnaj balnicy. Daktary raspaviali, što da ich trapiła 16-hadovaja žycharka Stoŭbcaŭ z prykmietami narkatyčnaj pieradaziroŭki.
Milicyja vyśvietliła, što 16 lipienia dziaŭčyna sa svaim 18-hadovym znajomym vyjechali ŭ les kala vioski Karaloŭ Stan Minskaha rajona, dzie była psichatropnaja schovanka. Zabraŭšy «zakładku», chłopiec uhavorami i asabistym prykładam uhavaryŭ niepaŭnahadovuju pasprabavać psichatrop. Paśla hetaha dziaŭčyna adčuła siabie drenna, a małady čałaviek źbieh. Dziaŭčynu ŭ nieadekvatnym stanie vyjavili miascovyja žychary, jakija paviedamili pra jaje miedykam. U balnicy dyjahnastavali «pieradaziroŭku psichatropnymi rečyvami».
«Źjavilisia padstavy mierkavać, što 18-hadovy fihurant mieŭ namier schilić niepaŭnahadovuju da ŭžyvańnia psichatropnaha rečyva. Hetym jon raźličvaŭ vyklikać narkazaležnaść, kab junaja siabroŭka stała spažyŭcom i, adpaviedna, klijentam dla dalejšaha zbytu», — raspaviali ŭ milicyi.
Asobu maładoha čałavieka ŭdałosia vyjavić. U dačynieńni da jaho raspačata kryminalnaja sprava pa č. 2 art. 331 KK Biełarusi (skchileńnie da ŭžyvańnia narkatyčnych rečyvaŭ, psichatropnych rečyvaŭ abo ich anałahaŭ). Sankcyja artykuła praduhledžvaje pakarańnie ŭ vyhladzie pazbaŭleńnia voli terminam ad 3 da 10 hadoŭ.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy1
Kamientary