Były staršynia Aršanskaha rajvykankama Leanid Piańkoŭski viarnuŭsia ŭ Biešankovicki rajon. Jon ciapier kiruje sielhaspradpryjemstvam — ZAT «ASB — Ahra Navatar».
Leanid Piańkoŭski.
Łukašenka pryznačyŭ Leanida Piańkoŭskaha na pasadu staršyni Aršanskaha vykankama 12 maja 2017 hoda. A praz 10 dzion Alaksandr Łukašenka daŭ daručeńnie kiraŭniku SK razabracca, čamu da čynoŭnika siłaviki ŭryvajucca ŭ chatu.
«Chto daŭ prava da čałavieka, uzhodnienaha da pryznačeńnia prezidentam, uryvacca ŭ dom? Bo dla taho kab pravaachoŭnym orhanam navat vieści niejkija rasśledavańni pa čałavieku, jaki ŭvachodzić u kadravy rejestr prezidenta, treba zhoda prezidenta», — aburyŭsia Alaksandr Łukašenka.
Paźniej u Administracyi prezidenta raspaviali abstaviny incydentu.
«Jak vynikaje z tłumačeńniaŭ staršyni rajvykankama (Leanida Piańkoŭskaha) u vyniku znachodžańnia ŭ kvołym stanie niekatory čas jon nie vychodziŭ na suviaź. Pradstaŭniki pravaachoŭnych struktur pranikli ŭ dom, dzie znachodziŭsia Leanid Piańkoŭski, z metaj vyjaŭleńnia jaho miescaznachodžańnia. Staršynia rajvykankama ŭ toj momant znachodziŭsia pa miescy pražyvańnia svajakoŭ u Oršy», — raspaviali ŭ administracyi.
Na pasadzie staršyni Aršanskaha rajvykankama Leanid Piańkoŭski prapracavaŭ mienš za try miesiacy.
