Dziaŭčynku, jakaja zasnuła pad dźviaryma, zaŭvažyli susiedzi. Joj 3 ci 4 hady.
Siamja prablemnaja, u joj adbyvajucca pastajannyja skandały. Susiedzi, jakija znajšli dzicia, pasprabavali dahrukacca da baćkoŭ dziaŭčynki. Baćka łajaŭsia maciukami z kvatery, ale dźviery nie adčyniŭ, paviedamlaje sajt Hrodna 015.by.
Paźniej Siarhiej Baziankoŭ, namieśnik načalnika adździaleńnia milicyi, paviedamiŭ, što kali milicyja pryjechała, to dziaŭčynka ŭžo była ŭ kvatery. Baziankoŭ kaža, što heta zvyčajnaja šarahovaja siamja. Ale čamu dzicia śpić na hanku, baćka patłumačyć nie zmoh.
Praŭda, susiedzi kažuć, što bačyli, jak dobra pjany baćka špacyruje z dačkoj. Na zaŭvahi jon adkazvaŭ maciukami.
Ciapier siamju pravierać sacyjalnyja słužby i orhany apieki.
0
0
0
0
0
0