U Abolcach adkryli pamiatny znak na miescy zrujnavanaha kaścioła
U Abolcach (Tałačynski rajon) adbyłosia adkryćcio pamiatnaha znaka na miescy kolišniaha kaścioła Najśviaciejšaj Panny Maryi. Na tabličcy, prymacavanaj da kamienia, na łacincy vypisanyja słovy: «U 1387 hodzie vialikim kniaziem litoŭskim i karalom polskim Jahajłam tut pabudavany adzin ź pieršych kaściołaŭ na terytoryi Biełarusi», paviedamlaje sajt «Naša Tałačynščyna».
Ideja ŭstanoŭki pamiatnaha znaka pryjšła maładomu śpiecyjalistu, učorašniamu vypuskniku Viciebskaha miedycynskaha ŭniviersiteta Vitalu Vałatkieviču, kali jon u 2016 hodzie byŭ nakiravany na pracu doktaram ahulnaj praktyki ŭ Aboleckuju sielskuju ŭračebnuju ambułatoryju. Jon źviarnuŭ uvahu na toje, što ŭstanova achovy zdaroŭja znachodzicca ŭ miescy, jakoje viadomaje ŭ piśmovych krynicach jašče z CHIV stahodździa. Ale da našych dzion dajšli tolki reštki sklapieńniaŭ, dzie byli pachavanyja słužycieli kaścioła.
Vyvučyŭšy historyju vioski daskanała, spadar Vałatkievič z dapamohaj adnadumcaŭ pačaŭ raboty pa ŭznaŭleńni pachavańniaŭ i ŭstanoŭcy pomnikaŭ na miescy, dzie jany stajali jašče ŭ pačatku 70-ch hadoŭ minułaha stahodździa. Na siońniašni dzień heta piać pomnikaŭ z nadpisami pra tych, chto pachavany na hetaj ziamli.
Na adkryćcio pamiatnaha znaka sabrałasia šmat ludziej z Abolcaŭ, Klabani, Dabravolska, Zaazierja i inšych viosak. Z rajona ŭdzieł u mierapryjemstvie pryniała načalnik adździeła ideałahičnaj raboty, kultury i pa spravach moładzi rajvykankama Valevič A. V.
Pačaŭšy z adnaŭleńnia miesca pachavańnia, mohiłak kala kaścioła, Vitalij Vałatkievič sumiesna ź sielvykankamam płanuje adnavić u miežach kolišniaha kaścioła źmialełuju krynicu i sažałku. Biezumoŭna, sprava hetaja važnaja, jana choć krychu nablizić abličča miaściny da jaje pieršasnaha vyhladu, ale patrebnyja dla vykanańnia rabot peŭnyja srodki.
Ksiondz Iozief Tałačynskaha kaścioła Śviatoha Antonija aśviaciŭ pamiatny znak, adpraviŭ imšu, pavinšavaŭ prysutnych z važnaj padziejaj u žyćci kraju.
-
Vyjšli treciaja i čaćviortaja častki sahi «Silva Rerum»
-
Viktar Marcinovič prezientavaŭ u Vilni navukovuju knihu, u asnovie jakoj — jaho siamiejnaja historyja
-
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary